రస్‌ లఫ్ఫాన్‌ ఇండస్ట్రియల్‌ సిటీ కమ్యూనిటీ ఔట్‌ రీచ్‌ ప్రోగ్రామ్‌ (ఆర్‌ఎల్‌ఐసి - సిఓపి), సోలార్‌ పవర్డ్‌ ఛార్జింగ్‌ స్టేషన్స్‌ని మొబైల్‌ ఫోన్స్‌ కోసం ఏర్పాటు చేసేందుకు అల్‌ షమాల్‌ మునిసిపాలిటీకి సహకరించనుంది. ఈ ప్రాజెక్ట్‌లో భాగంగా సోలార్‌ పవర్‌తో పనిచేసే లైటింగ్‌ వ్యవస్థని కూడా రెండు బీచ్‌లలో ఏర్పాటు చేయనుంది. అల్‌ షమ్మాల్‌ మునిసిపాలిటీలో ఎన్విరాన్‌మెంట్‌ కన్జర్వేషన్‌ ఎఫర్ట్స్‌ మరియు సస్టెయినబుల్‌ డెవలప్‌మెంట్‌ ప్రోగ్రామ్‌లో భాగంగా ఈ చర్యలు తీసుకుంటున్నారు. మొత్తం 10 సోలార్‌ ఛార్జింగ్‌ స్టేషన్లను అల్‌ రువైస్‌, అఐన్‌ సినామ్‌ మరియు అబు దలౌఫ్‌ పబ్లిక్‌ పార్కుల్లో ఏర్పాటు చేస్తారు. అలాగే 34 షేడెడ్‌ ఏరియాల్లో సోలార్‌ లైట్లను ఏర్పాటు చేస్తున్నారు. అబు దలౌఫ్‌ మరియు రువైసి బీచ్‌లలో వీటిని ఏర్పాటు చేయతలపెట్టారు. 'సోలార్‌ మల్టీ ఫంక్షన్‌ ఛార్జింగ్‌ ట్రీ' పేరుతో సోలార్‌ పవర్డ్‌ మొబైల్‌ ఛార్జింగ్‌ స్టేషన్లను రూపొందిస్తున్నారు. దీనికి రెండు లైట్‌ పోల్స్‌ ఉంటాయి. ఎనిమిది గంటలపాటు నిరంతరాయంగా వెలుగునిస్తాయివి.