యూఏఈ: దుబాయ్ క్రౌన్ ప్రిన్స్ ఆదివారం రక్షణ మంత్రిగా నియమితులయ్యారు. దీంతోపాటు షేక్ హమ్దాన్ బిన్ మహ్మద్ బిన్ రషీద్ అల్ మక్తూమ్ యూఏఈ ఉప ప్రధానమంత్రిగా కూడా వ్యవహరించనున్నారు.యూఏఈ వైస్ ప్రెసిడెంట్,  ప్రధాన మంత్రి మరియు దుబాయ్ పాలకుడు షేక్ మొహమ్మద్ బిన్ రషీద్ అల్ మక్తూమ్ ఫెడరల్ ప్రభుత్వంలో భారీ మార్పులను ప్రకటించారు. షేక్ అబ్దుల్లా బిన్ జాయెద్ అల్ నహ్యాన్ తన విదేశాంగ మంత్రి పాత్రను సమర్థవంతంగా నిర్వహించడంతో ఉప ప్రధానమంత్రిగా ఎంపికయ్యారు.

యూఏఈలో విద్యాశాఖ మంత్రిగా సారా అల్ అమీరీ నియమితులయ్యారు. ఆమె గతంలో పబ్లిక్ ఎడ్యుకేషన్ అండ్ అడ్వాన్స్‌డ్ టెక్నాలజీ రాష్ట్ర మంత్రిగా పనిచేశారు. మానవ వనరులు మరియు ఎమిరేటైజేషన్ మంత్రిగా ఉన్న డాక్టర్ అబ్దుల్ రెహ్మాన్ అల్ అవార్, ఉన్నత విద్య మరియు శాస్త్రీయ పరిశోధనల తాత్కాలిక మంత్రిగా కూడా వ్యవహరిస్తారు. విద్యాశాఖ మంత్రిగా పనిచేసిన అహ్మద్ బెల్హౌల్ ఇప్పుడు క్రీడా మంత్రిత్వ శాఖకు సేవలు అందించనున్నారు. అలియా అబ్దుల్లా అల్ మజ్రూయి వ్యవస్థాపకత శాఖ సహాయ మంత్రిగా నియమితులయ్యారు.