మానవ శరీరంలోని ప్రధానమైన అవయవాల్లో కళ్లు కూడా ఒకటి. కళ్లు చాలా సున్నితమైనవి. వీటిని చాలా జాగ్రత్తగా చూసుకోవాలి. అయితే, ఆయా సీజన్లను బట్టి అప్పుడప్పుడూ కొందరిలో కంటి సమస్యలు తలెత్తుతుంటాయ్.

అందులో ముఖ్యంగా చెప్పుకోదగ్గవి కంటి దురదలు. కళ్లు పొడిబారడం వల్ల కంటి దురదలు తలెత్తుతుంటాయ్. వాటి నుంచి తప్పించుకోవాలంటే ప్రతిరోజూ కళ్లను శుభ్రం చేసుకుంటూ వుండాలి.

ఇలా చేయడం వల్ల కంటిలోని బాక్టీరియాని తొలిగించి కళ్లను ఆరోగ్యంగా వుంచుకోవచ్చు. సరైన నిద్ర లేకపోవడం వల్ల కూడా కంటి దురదలకు ఓ కారణంగా చెబుతున్నారు.

అందుకే కళ్లకు సరైన విశ్రాంతి అవసరమని నిపుణులు చెబుతున్నారు. కంటి దురదలు తలెత్తినప్పుడు వాటర్ ఎక్కువగా తీసుకోవాలి. వాటర్ ఎక్కువగా వుండడం వల్ల చెడు బ్యాక్టీరియా నాశనమవుతుంది.  

కళ్లు దురదలు అతిగా బాధిస్తున్నప్పుడు ఐ డ్రాప్స్ వాడొచ్చని నిపుణులు సూచిస్తున్నారు. ఇలా చేయడం వల్ల అది కంటికి ల్యూబ్రికెంట్ ఏజెంట్‌గా పని చేస్తుంది. తద్వారా ఈ సమస్య నుంచి ఉపశమనం పొందొచ్చు.

మగవారిలో ఆల్కహాల్, స్మోకింగ్ కూడా కంటి దురదలకు ఓ కారణంగా చెబుతున్నారు. కంటి దురదల సమస్య వున్నప్పుడు వాటికి దూరంగా వుండాలని నిపుణులు హెచ్చరిస్తున్నారు.