శరీరం ఎటువంటి అనారోగ్యాల బారిన పడకుండా ఎప్పుడూ యాక్టివ్‌గా వుండాలంటే తెల్ల రక్తకణాల సంఖ్య తగిన మోతాదులో వుండాలి.

తెల్ల రక్త కణాలు సక్రమ సంఖ్యలో వున్నప్పుడే రోగ నిరోధక శక్తి బాగుంటుంది. శరీరంలో ఏ చిన్న అనారోగ్యం వచ్చినా వాటితో పోరాడి మనల్ని ఆరోగ్యంగా వుంచే, తెల్ల రక్త కణాల సంఖ్యను జాగ్రత్తగా కాపాడుకోవాలంటే ఏం చేయాలి.?

మంచి ఆహారం తీసుకోవాలి. మంచి ఆహారం అంటే.. కొన్ని రకాల ఫుడ్స్ తెల్ల రక్త కణాల సంఖ్యను పెంచడంలో కీలకంగా దోహదం చేస్తాయ్.

అందులో ముఖ్యమైనవి వెల్లుల్లి. వెల్లుల్లిని ప్రతీరోజూ తినడం వల్ల రోగ నిరోధక శక్తి లభిస్తుంది. అంటే తెల్ల రక్త కణాల సంఖ్య సక్రమంగా వుంటుందని అర్ధం.

అలాగే, సిట్రస్ ఎక్కువగా వుండే పండ్లను అధికంగా తీసుకోవాలి. అంటే నిమ్మ, నారింజ, ద్రాక్ష జాతి పండ్లను అధికంగా తీసుకోవాలి. పైనాపిల్‌లోనూ సిట్రస్ అధికంగా లభిస్తుంది.

బాదం ప్రతీరోజూ డైట్‌లో చేర్చుకోవాలి. వీటిలో యాంటీ ఆక్సిడెంట్లు అధికంగా వుంటాయ్. అలాగే విటమిన్ ఇ కూడా అధికంగా వుంటుంది. ఇది తెల్ల రక్త కణాల సంఖ్యను రెట్టింపు చేసి రోగ నిరోధక శక్తిని అందిస్తుంది.

పొద్దుతిరుగుడు పువ్వు గింజల్లోని సెలీనియం తెల్ల రక్త కణాల సంఖ్యను పెంచడంలో సహాయపడుతుంది. అందుకే వీటిని కూరల్లో గ్రేవీ కోసం యూజ్ చేస్తే మంచిదని నిపుణులు చెబుతున్నారు.