కారు కన్నా కారు టైర్లు ఖరీదైనవైతే ఎలా ఉంటుంది? ఇదిగో ఇలానే ఉంటుంది. ఈ టైర్లు కారుకి అమర్చితే, అది బెంజ్‌ కారు కావొచ్చు, ఇంకా ఖరీదైన కారు కావొచ్చు. కారు చిన్నబోవాల్సిందే. ఎందుకంటే ఈ టైర్లు అంత ఖరీదైనవి. 2.2 మిలియన్‌ దిర్హామ్‌ల విలువైన కారు టైర్లను తయారు చేయించింది దుబాయ్‌కి చెందిన ఓ సంస్థ. జెడ్‌ టైర్స్‌ వీటిని తయారు చేసింది. 24 క్యారెట్‌ గోల్డ్‌ మరియు డైమండ్‌ స్టోన్స్‌తో వీటిని తయారు చేసినట్లు సంస్థ ప్రతినిథులు వెల్లడించారు. డిజైన్‌ని దుబాయ్‌లో చేయగా, ఇటలీలో ఆర్టిసన్‌ జ్యుయెలర్స్‌తో డెకరేట్‌ చేయించారు. అబుదాబీలో గోల్డ్‌ లీఫింగ్‌ చేశారు. నాలుగు టైర్లు 2 మిలియన్‌ దిర్హామ్‌లకు ఒక్కోటి చొప్పున విక్రయించారు. ప్రపంచంలోనే అతి ఖరీదైన టైర్లుగా ఈ టైర్లు గిన్నీస్‌ బుక్‌ ఆఫ్‌ వరల్డ్‌ రికార్డ్స్‌లో చోటు సంపాదించనున్నాయి. జెడ్‌ టైర్స్‌ సిఇఓ హర్జీవ్‌ కందారి మాట్లాడుతూ, ప్రత్యేకంగా ఈ టైర్లను రూపొందించడం ప్రతిష్టాత్మకంగా భావించామని తెలిపారు. దీని ద్వారా వచ్చే లాభాల్ని రమదాన్‌ సందర్భంగా జెనెసిస్‌ ఫౌండేషన్‌కి డొనేట్‌ చేయనున్నట్లు తెలిపారాయన.