న్యూ ఢిల్లీ: ప్రధాన స్రవంతి మీడియాను కొనుగోలు చేసిన బిజెపికి వ్యతిరేకంగా ప్రజాస్వామ్య విలువల కోసం పోరాడుతున్న ఆన్‌లైన్‌ మీడియా, ఇన్‌ఫ్లుయెన్సర్‌లను కొత్త ప్రసార బిల్లు ద్వారా నిషేధించాలని కేంద్ర ప్రభుత్వం నిర్ణయించింది. ప్రసార సేవల (నియంత్రణ) బిల్లు, 1995 టెలివిజన్‌ నెట్‌వర్క్‌ల చట్టం స్థానంలో భావప్రకటన స్వేచ్ఛ, ప్రభుత్వ విమర్శలను అరికట్టడానికి ప్రయత్నిస్తుంది. గతేడాది విడుదల చేసిన ముసాయిదా బిల్లుతో పోలిస్తే కొత్త బిల్లులోని నిబంధనలను సమాచార, ప్రసార మంత్రిత్వశాఖ కఠినతరం చేసింది. యూట్యూబ్‌, ఫేస్‌బుక్‌, ఎక్స్‌, ఇన్‌స్టాగ్రామ్‌ మొదలైన అన్ని సామాజిక మాధ్యమాల్లో వార్తలు, కరెంట్‌ అఫైర్స్‌ మొదలైనవి, ఆన్‌లైన్‌ పోర్టల్‌లు, వెబ్‌సైట్‌లను ప్రదర్శించే వారిపై ఈ చర్య తీసుకోబడింది. ముసాయిదా బిల్లులో కంటెంట్‌ నిర్మాతలు ‘డిజిటల్‌ న్యూస్‌ బ్రాడ్‌కాస్టర్లు’గా నిర్వచించబడ్డారు.
కేంద్రం నియమించిన కమిటీ అనుమతి లేకుండా రూపొందించిన వీడియోలు, వార్తలను ప్రచురించరాదు. ఇందుకోసం మూడంచెల వ్యవస్థను ఏర్పాటు చేయనున్నారు. అనుచరుల సంఖ్య నిర్దిష్ట థ్రెషోల్డ్‌ను మించి ఉంటే కంటెంట్‌ సృష్టికర్తలు తప్పనిసరిగా ఒక నెలలోపు నమోదు చేసుకోవాలి. ప్రోగ్రామ్‌ కోడ్‌, అడ్వర్టైజింగ్‌ కోడ్‌కు అనుగుణంగా ఉండాలి. లోక్‌సభ ఎన్నికల్లో బిజెపిని ఓడించడంలో ప్రధాన పాత్ర పోషించిన ఆన్‌లైన్‌ న్యూస్‌ ఛానెల్స్‌, వీడియో నిర్మాతలకు బ్యాక్‌ డోర్‌ నుంచి సంకెళ్లు వేస్తున్నారు. వార్తాపత్రిక ఆన్‌లైన్‌లో ఇచ్చినప్పటికీ వార్తాపత్రికలలో ముద్రించని వార్తలను కొత్త బిల్లులోని నిబంధనలు కవర్‌ చేస్తాయి.

ముంబాయి, మద్రాస్‌ హైకోర్టులు స్టే విధించిన అప్రసిద్ధ ఐటి చట్టం-2021లోని ‘కోడ్‌ ఆఫ్‌ ఎథిక్స్‌’ విభాగానికి చట్టపరమైన చెల్లుబాటును కల్పించడం కూడా ముసాయిదా బిల్లు లక్ష్యం. స్టే అసమంజసమైనదని చెప్పే ఈ క్లాజ్‌ చట్టవిరుద్ధమని తేలింది. లోక్‌సభ ఎన్నికల సమయంలో స్వతంత్ర మీడియా ప్రభుత్వంపై విమర్శలు గుప్పించడంతో ఈ చర్య తీసుకున్నట్లు మంత్రిత్వశాఖ వర్గాలు జాతీయ మీడియాకు తెలిపాయి. ధృవ్‌ రాఠి, రవిష్‌ కుమార్‌ వంటి స్వతంత్ర ఆన్‌లైన్‌ జర్నలిస్టులు బిజెపి విధానాలను బహిర్గతం చేయడం ఉత్తర భారతదేశంలోని సామాన్య ప్రజల్లో బిజెపి వ్యతిరేక సెంటిమెంటును సృష్టించింది. ఇది ఎన్నికల్లోనూ ప్రతిఫలించింది. అందుకే మోడీ సర్కారు ఆన్‌లైన్‌ మీడియాపై కళ్లెం వేయాలని ప్రయత్నిస్తోంది.