ఆసియా పసిఫిక్ ప్రాంతంలో జీవన వ్యయాల పరంగా అత్యంత చౌకైన నగరం ముంబై అని విజువల్ ఎనలిటిక్స్ యాప్, క్లిక్ తెలిపింది. క్లిక్ ఏప్యాక్(ఏపీఏసీ-ఏషియా పసిఫిక్) కాస్ట్ ఆఫ్ లివింగ్ యాప్ పేరుతో క్లిక్ సంస్థ ఒక కొత్త యాప్‌ను అభివృద్ధి చేసింది. ఆసియా పసిఫిక్ ప్రాంతంలోని ముంబై, హాంగ్‌కాంగ్, కౌలాలంపూర్, సియోల్, షాంగై, సింగపూర్, సిడ్ని, టోక్యో..
ఈ ఎనిమిది నగరాల్లో జీవన వ్యయాలను వేగంగా, సులభంగా పోల్చి చూసేలా ఈ కొత్త యాప్‌ను అభివృద్ధి చేశామని క్లిక్ పేర్కొంది. అత్యంత ఖరీదైన నగరంగా టోక్యో నిలిచిందని వివరించింది. ఆ తర్వాతి స్థానాల్లో హాంగ్‌కాంగ్, సిడ్నిలు ఉన్నాయని పేర్కొంది. ఏప్యాక్ సగటు వ్యయంతో పోల్చితే ముంబైలో జీవన వ్యయం 53 శాతం తక్కువగా ఉందని వివరించింది.
అలాగే సెకండరీ విద్యా వ్యయాలు 68 శాతం, ఉన్నత విద్యా వ్యయాలు 61 శాతం తక్కువని పేర్కొంది.