ఇండియన్‌ ఎంబసీ, 2వ ఇంటర్నేషనల్‌ యోగా దినోత్సవాన్ని అల్‌ గరాఫా స్పోర్ట్స్‌ క్లబ్‌ ఇండోర్‌ హాల్‌లో జూన్‌ 21న నిర్వహించనుంది. ఈ కార్యక్రమాన్ని ఇండియన్‌ కల్చరల్‌ సెంటర్‌ సహకారంతో ఏర్పాటు చేసింది. ఇటీవల భారత ప్రధాని నరేంద్రమోడీ ఖతార్‌లో పర్యటించినప్పుడు ఎమిర్‌ షేక్‌ తమీమ్‌ బిన్‌ హమాద్‌ అల్‌ థనితో యోగాపై చర్చించారు. ప్రపంచం యోగాని ఓ ఆరోగ్యకరమైన ప్రక్రియగా గుర్తించిందనీ, ఆరోగ్యకరమైన సమాజం కోసం ఎంతో ఉపయోగపడుతుంది గనుక, యోగాకు తమ దేశంలోనూ ప్రాచుర్యం కల్పిస్తామని ఈ సందర్భంగా ఎమిర్‌ షేక్‌ చెప్పారు. 2015, జూన్‌ 21న నిర్వహించిన తొలి అంతర్జాతీయ యోగా దినోత్సవ నిర్వహణలో సహకరించినందుకు ఎమిర్‌ షేక్‌కి నరేంద్రమోడీ కృతజ్ఞతలు కూడా తెలిపారు. ఇండియన్‌ ఎంబసీ నిర్వహించే యోగా వేడుకల్లో ఖతారీ డిగ్నిటరీస్‌కి ఖతార్‌లోని ఇండియన్‌ అంబాసిడర్‌ ద్వారా సన్మానం జరగనుంది. అలాగే యోగా ఎక్స్‌పర్ట్‌లచే రూపొందించిన షార్ట్‌ ఫిలింని ప్రదర్శిస్తారు. యోగా కార్యక్రమానికి స్థానిక వస్త్రధారణ సరిపోతుందని, విజిటర్స్‌ ఖచ్చిరతంగా తమతోపాటు ఫొటో ఐడి తీసుకురావాలని నిర్వాహకులు తెలిపారు.