అది సమ్మర్ సీజన్.. ఓ ప్రక్క ఎండలు, మరో ప్రక్క ఉక్కపోత.. వీటి మధ్య చల్లని వినోదాన్ని అందించేందుకు రెడీ అయిన తెలుగు స్టార్ హీరోలు. కాని ఇలాంటి సమయంలోనే ఎలాంటి అంచనాలు లేకుండా ఓ తమిళ చిత్రం తెలుగులో విడుదలైంది. బిచ్చగాడు పేరుతో విడుదలైన ఈ చిత్రంకు భారీగా ప్రమోషన్స్ చేయకపోయిన కేవలం మౌత్ టాక్ తోనే సంచలనాలు సృష్టించింది. విడుదలైన అన్ని థియేటర్లలో రికార్డు కలెక్షన్లు సాధించింది. కేవలం 50 లక్షల పెట్టుబడితో తెరకెక్కిన బిచ్చగాడు చిత్రం తెలుగులో విడుదలై ఏకంగా 13 కోట్ల వసూళ్ళని సాధించి తెలుగు సినిమా పరిశ్రమని షాక్‌కి గురి చేసింది. తెలుగులో డబ్ అయిన పరాయి భాష చిత్రాలు ఏవి కూడా ఇంత వరకు ఆ రేంజ్ కలెక్షన్లు సాధించలేదని తెలుస్తోంది.శశి తెరకెక్కించిన ఈ చిత్రానికి ఇంత ఆదరణ లభించడంతో చిత్ర యూనిట్ వారి ఆనందానికి అవధులు లేకుండా పోయాయి. విజయ్ ఆంటోని ఈ చిత్రానికి నిర్మాతగా వ్యవహరించాడు.