నటుడిగా, కమెడియన్‌గా తానేంటో ప్రూవ్ చేసుకున్న వేణు ‘బలగం’ అనే సినిమాతో దర్శకుడిగానూ సత్తా చాటాడు. విమర్శకుల ప్రశంసలు అందుకుందీ సినిమా.

ఆ తర్వాత వేణు, నానితో ఓ సినిమా చేయబోతున్నాడన్న ప్రచారం జోరందుకుంది. అయితే, అనుకోకుండా ఓ డిస్కషన్‌లో వేణుతో సినిమా చేయాలని వుందని నాని చెప్పాడట. అంతే, కానీ, ఈ కాంబినేషన్‌లో సినిమా ఓకే కాలేదనీ నిజంగా వేణు కథ తీసుకొస్తే.. తనతో పని చేయడానికి సిద్ధంగా వున్నానని నాని లేటెస్ట్‌గా చెప్పాడు.

జస్ట్ అలా పొక్కిన మాట.. రూమర్‌లా పాకేసింది. ఏమో, కథ దొరికితే త్వరలోనే ఈ రూమర్ నిజమైనా అవుతుంది. ఇక, మరికొద్ది రోజుల్లో నాని ‘సరిపోదా శనివారం’ సినిమాతో ప్రేక్షకుల్ని పలకరించబోతున్నాడు.

కూల్ అండ్ కామ్ ఫ్యామిలీ ఎంటర్‌టైనర్లు తెరకెక్కించే వివేక్ ఆత్రేయ, నానితో చేసిన ఓ మాస్ ప్రయోగమే ‘సరిపోదా శనివారం’. ప్రచార చిత్రాలు బాగున్నాయ్. క్షణం కూడా తీరిక లేకుండా నాని ఈ సినిమాని బాగా ప్రమోట్ చేస్తున్నాడు.

ఎస్.జెసూర్య విలన్‌గా నటిస్తున్న ఈ సినిమాలో ప్రియాంకా అరుల్ మోహనన్ హీరోయిన్‌గా నటిస్తోంది. ఆగస్టు 29న ప్రేక్షకుల ముందుకు రానుంది. వరుస విజయాలతో దూసుకెళ్తున్న నానికి ఎలాంటి విజయాన్ని అందిస్తుందో చూడాలి మరి.