బుల్లితెర అభిమానులు ఎంతగానో ఎదురు చూస్తున్న బిగ్‌బాస్ గేమ్ షో మొదలయ్యేందుకు ముహూర్తం ఫిక్స్ అయ్యింది. ఈ మధ్య ప్రోమోలతో ఊదరగొడుతున్న బిగ్‌బాస్ టీమ్ ఫైనల్లీ టెలికాస్ట్ డేట్ ఫిక్స్ చేసింది.

సెప్టెంబర్ 1 నుంచి ఆట మొదలు కానుంది. హౌస్‌లోకి అడుగు పెట్టబోయే కంటెస్టెంట్ల విషయంలో రకరకాల రూమర్లు వినిపిస్తున్నాయ్. మరి కొద్ది రోజుల్లోనే ఆ రూమర్లకు చెక్ పడిపోనుంది.

సెప్టెంబర్ 1 ఆదివారం రాత్రి 7 గంటల నుంచి మూడు గంటల పాటు షో స్టార్ట్ కానుంది. ఆ తర్వాత (సోమవారం నుంచి శుక్రవారం వరకూ) నుంచి రాత్రి 10 గంటలకు ఎడిటెడ్ వెర్షన్ ప్రసారం కానుంది.

అలాగే లైవ్ షో కూడా అందుబాటులో వుండనుంది. ‘ఒక్కసారి కమిట్ అయితే లిమిటే లేదు..’ అనే క్యాప్షన్‌తో ప్రోమోలు ఊదరగొడుతున్నారు. అయితే, షోలో విషయం ఏపాటిదనేది రెండు మూడు రోజులు చూశాకా ఆడియన్స్ డిక్లేర్ చేసేస్తారు. లెట్స్ వెయిట్ అండ్ సీ.!