యూఏఈ: వేసవిలో యూఏఈ నివాసితులకు కొంత ఉపశమనం కలుగనుంది. కొన్ని ప్రాంతాలలో వడగళ్ళతో కూడిన వర్షాలు కురుస్తాయని,  ఇతర ప్రాంతాలలో దుమ్ము తుఫానులు వస్తాయని హెచ్చరించారు. ఈ సందర్భంగా షార్జాలోని అల్ మేడమ్ పట్టణంలో దుమ్ము తుఫానుకు సంబంధించిన వీడియోను  స్టార్మ్ సెంటర్ షేర్ చేసింది.  

నేషనల్ సెంటర్ ఆఫ్ మెటీరియాలజీ (NCM) ప్రకారం.. షార్జాలోని మలేహా, ఖదైరా మరియు ఫిలి ఇతర ప్రాంతాలలో భారీ వర్షం కురుస్తుంది. కొన్ని తూర్పు ప్రాంతాలలో వడగళ్లతో కూడిన బలమైన గాలి వీచే భారీ వర్షం,  బలమైన గాలి వీచే విషయంలో ముందస్తు జాగ్రత్తలు తీసుకోవాలని వాతావరణ శాఖ హెచ్చరించింది. ఆకస్మిక వరదలు సంభవించే ప్రాంతాలకు దూరంగా ఉండాలని కోరారు.