కువైట్: కువైట్ ఇంటర్నేషనల్ ఎయిర్‌పోర్ట్ పోర్ట్ ద్వారా యూరోపియన్ దేశం నుండి కువైట్‌కు డ్రగ్స్ స్మగ్లింగ్ ను అధికారులు అడ్డుకున్నారు. ఐదుగురు నిందితులతో కూడిన క్రిమినల్ ముఠాను క్రిమినల్ సెక్యూరిటీ సెక్టార్ అరెస్టు చేసింది. వారిలో ఇద్దరు జనరల్ అడ్మినిస్ట్రేషన్ ఆఫ్ కస్టమ్స్‌లో పనిచేస్తున్నారని అధికారులు తెలిపారు. వారు తమ అధికారాన్ని అడ్డం పెట్టుకొని మాదక ద్రవ్యాల అక్రమ రవాణాకు సహకరించారని వెల్లడించారు. నిందితుల వద్ద సుమారు 60 కిలోల గంజాయి మరియు హషీష్ స్వాధీనం చేసుకున్నట్టు, దీని మార్కెట్ విలువ 750,000 కువైట్ దినార్లు ఉంటందని తెలిపారు.నిందితులందరినీ మరియు స్వాధీనం చేసుకున్న వస్తువులను  డ్రగ్ ప్రాసిక్యూషన్ కార్యాలయానికి రెఫర్ చేసినట్టు వెల్లడించారు.