‘కల్కి’ దాదాపు 1000 కోట్లు కొల్లగొట్టిన సినిమాగా లెక్కలు తేల్చేశారు. అంతా బాగానే వుంది. కానీ, ‘కల్కి’ సినిమాకి అంత సీనుందా.? అంటే ఏదో కష్టపడ్డారు. బ్లాక్ బాస్టర్.. అత్యధిక వసూళ్లు కొల్లగొట్టిన సినిమాగా ప్రబాస్ లిస్టులో వేసేశారు.

అయితే, నిజంగా ‘కల్కి’ అన్ని వసూళ్లు సాధించిందా.? అంటే ఆ విషయం పెరుమాళ్లకెరుక. ఇక, వచ్చే ఏడాది ప్రబాస్ నుంచి ‘రాజాసాబ్’ సినిమా రిలీజ్ కానుంది.

ఇది హారర్ కామెడీ నేపథ్యంలో రూపొందబోతోందన్న సంగతి తెలిసిందే. ఈ సినిమాని ఏప్రిల్ 10 2025లో రిలీజ్ చేయబోతున్నారు. ఏప్రిల్ అనేది ఎలాగూ సమ్మర్. ఖచ్చితంగా వర్కవుట్ అయ్యే సీజనే.

సో, ప్రబాస్‌కి ఖచ్చితంగా వర్కవుట్ అయిపోవడం పక్కా. అయితే, అదే రోజు కన్నడ హీరో ‘కేజీఎఫ్’ పేమ్ యష్ నటించిన ‘టాక్సిక్’ సినిమా కూడా రిలీజ్ కానుంది. ‘‘కేజీఎఫ్’ సినిమాతో యష్ తెచ్చుకున్న పాపులారిటీ గురించి ప్రత్యేకంగా చెప్పాలా.? చెప్పక్కర్లేదు.

ప్రపంచ వ్యాప్తంగా సెన్సేషనల్ విజయం అందుకున్న సినిమా అది. ఆ సినిమా తర్వాత భారీ అంచనాలతో యష్ నుంచి వస్తున్న సినిమానే ‘టాక్సిక్’. భారీ బడ్జెట్‌తో ప్యాన్ ఇండియా టార్గెట్‌గా రిలీజ్ అవుతోంది ఈ సినిమా.

అందులోనూ ప్రబాస్‌కి పోటీగా వస్తోంది. మరేంటి సంగతి. ప్రబాస్ - మారుతి సినిమా ఏమాత్రం తేడా కొట్టినా అంతే సంగతి. చూస్తుంటే, ‘రాజాసాబ్’‌కి అంత ఈజీ కాదనిపిస్తోంది. మరి, ఆ డేట్ కాకుండా ‘రాజాసాబ్’ కాస్త అటూ ఇటూ  ఏమైనా తగ్గే అవకాశాలున్నాయా.? చూడాలి మరి.