జూన్‌ 21న అంతర్జాతీయ యోగా దినోత్సవం జరగనుంది. దీనికోసం కింగ్‌డమ్‌ సమాయత్తమవుతోంది. పౌరులకు యోగా పట్ల అవగాహన కల్పించడం ద్వారా ఆరోగ్యకరమైన సమాజాన్ని తీర్చిదిద్దడానికి ఈ కార్యక్రమాన్ని చేపడుతున్నారు. మినిస్టర్‌ ఆఫ్‌ హెల్త్‌ ఫయీకా బింట్‌ సయీద్‌ అల్‌ సలేహ్‌ నేతృత్వంలో జరగనున్న ఈ ఈవెంట్‌ని జూన్‌ 21 ఉదయం 11 గంటల నుంచి మధ్యాహ్నం 1.30 గంటల వరకు సెగాయాలోని ప్రిన్సెస్‌ అల్‌ జవహరా ఇబ్రహీమ్‌ సెంటర్‌ ఫర్‌ మాలిక్యులర్‌ మెడిసిన్‌ లో నిర్వహిస్తారు. ఇండియన్‌ ఎంబసీ మరియు ప్రిన్సెస్‌ అల్‌ జవహరా సెంటర్‌ ఫర్‌ మాలిక్యులర్‌ మెడిసిన్‌ అండ్‌ ఇన్‌హెరిటెడ్‌ డిసార్డర్స్‌ ఈ కార్యక్రమానికి మద్దతు పలికాయి. ఉదయం 11 గంటల నుంచి రిజిస్ట్రేషన్లు ప్రారంభమవుతాయని క్యాన్సర్‌ కేర్‌ గ్రూప్‌ (సిసిజి) ఈ వివరాల్ని ప్రెస్‌మీట్‌లో వెల్లడించింది. హెల్త్‌ మినిస్టర్‌ యోగా దినోత్సవం రోజున ప్రజల్ని ఉద్దేశించి ప్రసంగిస్తారు. కార్యక్రమంలో పాల్గొనదలచినవారు రిజిస్ట్రేషన్‌ చేసుకోవాల్సి ఉంటుంది. పాల్గొన్నవారికి మినిస్ట్రీ ఆఫ్‌ ఆయుష్‌ ప్రచురించిన యోగా టెక్నిక్స్‌ బుక్‌లెట్‌, అలాగే యోగాపై ఓ సీడీ అందజేస్తారు. ఇందులో హైపర్‌టెన్షన్‌కి సంబంధించి అవగాహన కల్పించేందుకు వీలుగా ఓ లీఫ్‌లెట్‌ని పొందుపర్చారు