బహ్రెయిన్‌ ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా, భద్రత విషయంలో బహ్రెయిన్‌ ఎప్పుడూ రాజీ పడబోదని స్పష్టం చేశారు. జిసిసి దేశాల మధ్య ఐక్యతకు బహ్రెయిన్‌ కట్టుబడి ఉందనీ, దేశంలో ఎలాంటి తీవ్రవాద కార్యకలాపాలకూ ఆస్కారం ఇవ్వబోమని, తద్వారా బహ్రెయిన్‌ నుంచి ఇతర దేశాలకు తీవ్రవాదం లేదా ఇతర అసాంఘీక శక్తులువ ఎళ్ళే అవకాశం ఉండదని ప్రిన్స్‌ ఖలీఫా వివరించారు. గుడైబాలో జరిగిన ఓ సమావేశంలో ప్రైమ్‌ మినిస్టర్‌ ఈ వ్యాఖ్యలు చేశారు. కొన్ని కేసుల విచారణ ఇంకా వేగవంతంగా జరగాల్సి ఉంటుందని, దోషుల్ని కఠినంగా శిక్షించడమే కాకుండా త్వరగా శిక్షించడం కూడా ముఖ్యమని ఈ సందర్భంగా పిలుపునిచ్చారు ప్రిన్స్‌ ఖలీపా. ప్రపంచ దేశాలతో బహ్రెయిన్‌ ఎప్పుడూ కలిసి పనిచేస్తుందనీ, అంతర్జాతీయ భద్రత విషయంలో బహ్రెయిన్‌ తన సహాయ సహకారాలు అందిస్తుందని ఆయన అన్నారు. డిప్యూటీ ప్రైమ్‌ మినిస్టర్స్‌, ఫారిన్‌ మినిస్టర్‌, జస్టిస్‌, ఇస్లామిక్‌ ఎఫైర్స్‌ మరియు ఎండోమెంట్‌ మినిస్టర్‌, ఇన్ఫర్మేషన్‌ మినిస్టర్‌ మరియు పలువురు అధికారులు ఈ సమావేశానికి హాజరయ్యారు.