సౌదీ అరేబియా, రిటైల్‌ సెక్టార్‌లో విదేశీ పెట్టుబడులకు సంబంధించి సరికొత్త విధి విధానాల్ని ఖరారు చేసింది. 100 శాతం ఓనర్‌ షిప్‌తో హోల్‌సేల్‌ మరియు రిటైల్‌ ట్రేడ్‌ సెక్టార్‌లో విదేశీ సంస్థలకు అవకాశాలు కల్పిస్తూ క్యాబినెట్‌ నిర్ణయం తీసుకుంది. విజన్‌ 2030లో భాగంగా సౌదీ ప్రభుత్వం, పారిన్‌ ఇన్వెస్ట్‌మెంట్స్‌ని ఆకర్షించేందుకు వీలుగా రిటైల్‌ రంగంలో సంస్కరణలను తీసుకొచ్చింది. సౌదీ అరేబియాకి సంబంధించినంతవరకు చమురు అమ్మకాలే ప్రధాన ఆదాయవనరు కావడం, 2014 నుంచి తగ్గుతున్న చమురు ధరలతో ఆర్థిక సంక్షోభం తలెత్తిందని ఈ క్రమంలో ఈ నిర్ణయం కింగ్‌డమ్‌కి ఎంతో మేలు చేస్తుందని అంచనా వేస్తున్నారు. 2020 నాటికి 1 మిలియన్‌ ఉద్యోగాలు రిటైల్‌ సెక్టార్‌లో వస్తాయని ఆర్థిక రంగ నిపుణులు అభిప్రాయపడ్డారు.