దుబాయ్: గ్లోబల్ విలేజ్ సీజన్ 29 త్వరలో ప్రారంభం కానుంది. అక్టోబర్ 16న ప్రారంభించనున్నట్లు  అవుట్‌డోర్ డెస్టినేషన్ ప్రకటించింది. ఈ సీజన్ మే 11, 2025 వరకు కొనసాగుతుందని తెలిపింది.  ఈ సంవత్సరం గ్లోబల్ విలేజ్ తన ఆఫర్‌లను విస్తరిస్తోంది. ఈసారి మరిన్ని సాంస్కృతిక వైవిధ్యాలు కనువిందు చేయనున్నాయి.  28వ సీజన్‌లో గ్లోబల్ విలేజ్ 10 మిలియన్ల సందర్శకులతో కొత్త రికార్డును నెలకొల్పింది. గత సీజన్‌లో 400 మంది కళాకారులు 27 పెవిలియన్లలో 90కి పైగా సంస్కృతులు ప్రదర్శించారు.  ఈ సీజన్‌లో 200 కంటే ఎక్కువ రైడ్‌లు,  వినోద ఆకర్షణలు మరియు 3,500 షాపింగ్ అవుట్‌లెట్‌లు, 250 డైనింగ్ ఎంపికలు ఉన్నాయి. గ్లోబల్ విలేజ్ టిక్కెట్లు సాధారణంగా మూడు సంవత్సరాల కంటే తక్కువ వయస్సు ఉన్న పిల్లలకు, 65 ఏళ్లు మరియు అంతకంటే ఎక్కువ వయస్సు ఉన్న సీనియర్ సిటిజన్లకు,  దృఢ నిశ్చయం ఉన్న వ్యక్తులకు ఉచిత ప్రవేశం కల్పించనున్నారు.