మస్కట్: బర్కాలోని విలాయత్‌లోని ఓ వేర్ హౌజ్ లో భారీ చోరీ జరిగింది. ఇందుకు సంబంధించి నలుగురు వ్యక్తులను అరెస్ట్ చేసినట్టు రాయల్ ఒమన్ పోలీసులు వెల్లడించారు. చోరీలకు పాల్పడిన నిందితులను దక్షిణ అల్ బతినాలో అరెస్టు చేసినట్టు ప్రకటించారు. బర్కాలోని విలాయత్‌లోని ఒక కంపెనీకి చెందిన వేర్ హౌజ్ లో చోరీ జరిగిందని, ఫిర్యాదు అందడంతో రంగంలోకి దిగిన దక్షిణ అల్ బతినా పోలీస్ కమాండ్ నలుగురు వ్యక్తులను అరెస్టు చేసిందని,  ప్రస్తుతం వారిపై చట్టపరమైన ప్రక్రియలు జరుగుతున్నాయని ఒక ప్రకటనలో రాయల్ ఒమన్ పోలీసులు తెలిపారు.