చదువుతో పాటు అన్ని రంగాల్లో విద్యార్థులు రాణించాలని సినీ సంగీత దర్శకుడు రమణ గోగుల అన్నారు. హైదరాబాద్‌ రవీంద్రభారవతిలో యూనిఫైడ్‌ కౌన్సిల్‌ ఫౌండేషన్‌ ఆధ్వర్యంలో జరిగిన నేషనల్‌ టాలెంట్‌ సెర్స్‌ అవార్డుల ప్రదానోత్సవానికి ఆయన ముఖ్య అతిథిగా హాజరయ్యారు. గత సంవత్సరం జరిగిన టాలెంట్‌ పరీక్షలో ప్రతిభ కనబర్చిన 300 మంది విద్యార్థులకు టి హబ్‌ ఫౌండర్‌ శ్రీనివాస్‌, సింగరేణ్‌ ఈడీ శ్రీనివాస్‌, డాక్టర్‌ పట్టాభిరామ్‌లతో కలిసి ఆయన అవార్డులు అందజేశారు.జాతీయస్థాయిలో నాణ్యమైన విద్యా సంబంధ టాలెంట్‌ సెర్స్‌ నిర్వహిస్తున్న యూనిఫైట్‌ కౌన్సిల్‌ ఫౌండేషన్‌ను రమణ గోగుల అభినందించారు.ఈ టాలెంట్‌ పరీక్షలో దేశవ్యాప్తంగా 7లక్షల మంది విద్యార్థులు పాల్గొనగా 300 మంది విద్యార్థులు అర్హత సాధించారని నిర్వాహకులు శ్రీనివాస్‌ తెలిపారు.