దోహా: ఖతార్ పర్యాటక రంగం వేగంగా అభివృద్ధి చెందుతోంది. గ్లోబల్ డేటా, బిజినెస్ ఇంటెలిజెన్స్ ప్లాట్‌ఫామ్ అయిన స్టాటిస్టా తాజా అప్‌డేట్‌ల ప్రకారం.. 2024లో ట్రావెల్ అండ్ టూరిజం ఆదాయం $1,168m (QR4,262.366m)గా ఉంది. 2.95% వార్షిక వృద్ధి రేటుతో  2029 నాటికి $1,351m (QR4,930.185m) మార్కెట్ పెరుగుతుందన్నారు. ఖతార్ ట్రావెల్, పర్యాటక రంగంలో అతిపెద్ద భాగం హోటల్స్ మార్కెట్ అని, 2024లో $526.2m (QR1,919.524m) గా అంచనా వేశారు. 

“2029 నాటికి హోటల్స్ రంగంలో విజిటర్స్ సంఖ్య 1,589,000కి చేరుకుంటుందని అంచనా. 2024లో వినియోగదారుల వృద్ధి రేటు 72.4%గా ఉంది. ఇది 2029 నాటికి 85.7%కి పెరుగుతుందని అంచనా వేస్తున్నారు. స్టాటిస్టా అంచనాల ప్రకారం ఒక్కో వినియోగదారుకు సగటు ఆదాయం (ARPU) $589.30 (QR2,149.429)గా లెక్కకట్టారు. 2029 నాటికి ఖతార్ ట్రావెల్ అండ్ టూరిజం మార్కెట్‌లోని మొత్తం ఆదాయంలో 86% ఆన్‌లైన్ అమ్మకాల ద్వారా రానుంది. యునైటెడ్ స్టేట్స్ 2024లో అత్యధిక ఆదాయాన్ని($214bn) ఆర్జిస్తుందని అంచనా. ఖతార్‌లోని ట్రావెల్ అండ్ టూరిజం మార్కెట్ ఇటీవలి సంవత్సరాలలో గణనీయమైన వృద్ధిని సాధిస్తోంది.’’ అని స్టాటిస్టా తన నివేదికలో వెల్లడించింది.