మస్కట్: ఒమన్‌కు క్రూయిజ్ షిప్‌లలో వచ్చే ప్రయాణికులు, సిబ్బందికి 10 రోజుల ఉచిత విజిట్ వీసా మంజూరు చేయనున్నారు. ఒమన్‌లోని పర్యాటక పరిశ్రమ వృద్ధికి ఈ నిర్ణయం ప్రోత్సాహకరంగా ఉంటుందని, ఎక్కువ మంది సందర్శకులను ఆకర్షించడంలో సహాయపడుతుందని ఇన్‌స్పెక్టర్ జనరల్ ఆఫ్ పోలీస్ అండ్ కస్టమ్స్ హిస్ ఎక్సలెన్సీ లెఫ్టినెంట్ జనరల్ హసన్ బిన్ మొహసేన్ అల్ షురైకి తెలిపారు. ఈ మేరకు విదేశీయుల నివాస చట్టంలోని కార్యనిర్వాహక నిబంధనలలోని కొన్ని నిబంధనలను సవరిస్తూ నెం. 132/2024 ఉత్తర్వులను జారీ చేసినట్టు తెలిపారు.