యూఏఈ: షార్జాలోని కల్బా సిటీలో నిర్మాణంలో ఉన్న పాఠశాల పైకప్పు కూలి ఇద్దరు కార్మికులు మరణించగా.. ముగ్గురు గాయపడ్డారు. ఈస్టర్న్ రీజియన్ పోలీస్ డిపార్ట్‌మెంట్ డైరెక్టర్ కల్నల్ డాక్టర్ అలీ అల్-ఖమౌడీ మాట్లాడుతూ.. గాయపడిన వారికి ప్రథమ చికిత్స అందించామని, చనిపోయిన వ్యక్తులు అరబ్, ఆసియా జాతీయులని పేర్కొన్నారు. షార్జా సివిల్ డిఫెన్స్ అథారిటీ, కల్బా కాంప్రహెన్సివ్ పోలీస్ స్టేషన్, క్రైమ్ సీన్ టీమ్, నేషనల్ అంబులెన్స్, కల్బా సిటీ మున్సిపాలిటీతో సహా అన్ని ప్రత్యేక బృందాలు సంఘటనా స్థలానికి చేరుకొని రెస్క్యూ ఆపరేషన్ చేపట్టాయని పోలీసులు వెల్లడించారు. ఘటనపై దర్యాప్తు చేస్తున్నట్టు షార్జా పోలీసులు  తెలిపారు.