ఎన్టీయార్ ప్రెస్టీజియస్ మూవీ ‘దేవర’కు అసలు సిసలు అగ్ని పరీక్ష ఇప్పుడే మొదలైంది. ఈ రోజు అనగా సెప్టెంబర్ 10న ట్రైలర్ రిలీజ్ చేసేందుకు ముహూర్తం ఫిక్స్ చేశారు మేకర్లు.

ఈ సినిమాని ఎన్టీయార్ ఆర్ట్స్ బ్యానర్‌తో కలిసి యువ సుధా క్రియేషన్స్ సంస్థ నిర్మిస్తున్న సంగతి తెలిసిందే. కొరటాల శివ దర్శకత్వం వహిస్తున్నారు. కాగా, ఈ సినిమాకి సంబంధించి ఇంతవరకూ కొన్ని ప్రోమోలు  విడుదల చేసిన సంగతి తెలిసిందే.

అయితే వాటికి మిశ్రమ స్పందన వచ్చింది. కానీ, ట్రైలర్ మాత్రం ఓ రేంజ్‌లో కట్ చేశారని అంటున్నారు. ట్రైలర్‌తో అంచనాలన్నీ మారిపోతాయని అంటున్నారు. 2 నిమిషాల 50 సెకన్ల నిడివి వున్న ఈ ట్రైలర్‌తో పక్కాగా ఓ ఐడియా వస్తుందని అంటున్నారు.

మరి, నిజంగానే అంచనాలు పెంచేలా వుంటుందా ఈ ట్రైలర్ చూడాలి మరి. జాన్వీ కపూర్ హీరోయిన్‌గా నటించిన ఈ సినిమాని ధియేటర్లలో చూడాలంటే మరో 17 రోజులు వెయిట్ చేయాల్సిందే. సెప్లెంబర్ 27న ‘దేవర’ ప్రపంచ వ్యాప్తంగా ప్రేక్షకుల ముందుకు రానుంది.