నోటి నుంచి వచ్చే దుర్వాసనకు స్నేహితులెవ్వరూ దగ్గరికి చేరరు. అందుకే నోటి దుర్వాసనను దరి చేరనీయకుండా చేసుకోవాలంటే కొన్ని కొన్ని సింపుల్ టిప్స్ పాటించొచ్చు.

నేచురల్ రెమిడీస్‌తోనే నోటి దుర్వాసనను ఈజీగా పొగొట్టుకోవచ్చు. పుదీనా ఆరోగ్యానికి చాలా మంచిది. వంటల్లో వాడుకోవడమే కాకుండా.. పుదీనా ఆకుల్ని రెగ్యులర్‌గా నమలడం వల్ల నోటి దుర్వాసన పోతుంది.

అలాగే యాలకులు కూడా నోటి దుర్వాసనను పోగొట్టడానికి తోడ్పడతాయ్. యాలికల్ని నోటిలో వేసి చప్పరించినా నోటి దుర్వాసన రాదు. అలాగే, దాల్చిన చెక్క, సోంపు వంటివి నోటి దుర్వాసనను పోగొట్టడానికి ఉపకరిస్తాయ్.

ఫ్లోరైడ్ ఎక్కువగా వున్న టూత్ పేస్ట్‌తో బ్రష్ చేసుకోవడం వల్ల నోటి దుర్వాసన పోతుంది. అలాగే, దంతాలతో పాటూ, నాలుకను కూడా ఎప్పటికప్పుడు శుభ్రం చేసుకోవాలి.

అంతేకాదు, ప్రతీరోజూ ఉదయం, సాయంత్రం రెండు సార్లు బ్రష్ చేసుకుంటూ వుండాలి. వీటన్నింటికీ మించి రోజులో 8 గ్లాసుల వాటర్ తాగుతుండాలి. నోరు పొడిబారిపోవడం వల్ల కూడా నోటి నుంచి దుర్వాసన వస్తుంది. అందుకే వాటర్ కంటెంట్ శరీరంలో ఎక్కువగా వుండేలా చూసుకోవాలి. వాటర్ ఎక్కువగా తాగుతుండాలి.