‘ఆది పురుష్’ సినిమాతో బాలీవుడ్ నటుడు సైఫ్ అలీ ఖాన్ తెలుగు ప్రేక్షకులకు పరిచయమయ్యాడు. అయితే, ఆ సినిమా రిజల్ట్ సంగతేంటో తెలిసిందే.

సో, ఆ సినిమాని డెబ్యూగా పరిగణించాల్సినా.. సైఫ్ మాత్రం మరో టాలీవుడ్ సినిమా కోసం ఈగర్‌గా వెయిట్ చేస్తున్నా.. అంటున్నాడు.

అదే ‘స్పిరిట్’ మూవీ. ప్రబాస్, సందీప్ రెడ్డి వంగా కాంబినేషన్‌లో రూపొందబోయే ఈ సినిమా త్వరలోనే పట్టాలెక్కనుంది.

ఈ సినిమాలో ప్రబాస్‌తో తలపడేందుకు సైఫ్ అలీఖాన్ మరోసారి విలన్ అవతారమెత్తబోతున్నాడు. ‘ఆది పురుష్’లో రావణాసురుడి పాత్ర పోషించిన సైఫ్, ఈ సినిమాలో ఓ క్రూరమైన విలన్‌గా కనిపించబోతున్నాడనీ సమాచారం.

విలన్ పాత్ర ఎంత క్రూరంగా వుంటే, హీరో పాత్ర అంతలా ఎలివేట్ అవుతుంది. అసలే హీరో పాత్రలు సందీప్ సినిమాల్లో ఏ రేంజ్‌లో వుంటాయో ఆయన గత చిత్రాలు చూస్తే అర్ధమవుతుంది.

అలాంటిది ప్యాన్ ఇండియా స్టార్ ప్రబాస్‌తో ఆయన తెరకెక్కించబోయే చిత్రం. అందులోనూ భారీ బడ్జెట్‌తో ప్రెస్టీజియస్‌గా రూపొందుతోన్న చిత్రం కావడంతో ఈ సినిమాపై ఇంకా స్టార్ట్ కాకుండానే భారీగా అంచనాలున్నాయ్.