ఆంధ్ర ప్రదేశ్ డిప్యూటీ సీఎం పవన్ కల్యాణ్ ఓ వైపు రాజకీయ కార్యకలాపాలు మరోవైపు సినిమా పనుల్లోనూ బిజీగా వున్న సంగతి తెలిసిందే.

లేటెస్ట్‌గా ‘హరి హర వీరమల్లు’ సినిమా షూటింగ్ స్టార్ట్ చేశారాయన. ఈ సినిమా తర్వాత ‘ఓజీ’ సినిమా కోసం కూడా పని చేయనున్నారు.

వచ్చే ఏడాది మార్చి 28న ‘హరి హర వీరమల్లు’ సినిమా ప్రేక్షకుల ముందుకు రానుందని అధికారిక ప్రకటన వెల్లడైంది. ఇక, ‘ఓజీ’ విషయానికి వస్తే, దసరాకి ఓ మెస్మరైజింగ్ అప్డేట్ రానుందని తెలుస్తోంది.

ఈ సినిమాలో ఓ సాంగ్‌ని తమిళ సీనియర్ హీరో శింబు పాడిన సంగతి తెలిసిందే. ఈ పాటకి సంబంధించిన రెమ్యునరేషన్ ఆయన తెలుగు రాష్ట్రాల్లోని వరద బాధితుల కోసం కేటాయించిన సంగతి కూడా తెలిసిందే.

ఈ పాటను దసరాకి రిలీజ్ చేయనున్నట్లు ‘ఓజీ’ టీమ్ ద్వారా అందుతోన్న సమచారం. ఆల్రెడీ ‘ఓజీ’ నుంచి వచ్చిన గ్లింప్స్ ఏ రేంజ్‌లో రెస్పాన్స్ అందుకుందో ప్రత్యేకంగా చెప్పక్కర్లేదు.

ఇక, ఈ సినిమా నుంచి రాబోయే పాట.. అది కూడా ప్రస్తుత పరిస్థితుల్లో వస్తుందంటే.. దాన్ని ఏ స్థాయిలో రూపొందించి, కట్ చేసి వదలబోతున్నారో అంటూ అందరిలోనూ ప్రత్యేకమైన ఆసక్తి నెలకొంది.