నిన్న పుట్టినరోజు వేడుకలు జరుపుకొన్న కాంగ్రెస్‌ ఉపాధ్యక్షుడు రాహుల్‌ గాంధీ నేడు విదేశాలకు వెళ్లారు. కొద్ది రోజుల పాటు విదేశాలకు వెళ్తున్నట్లు రాహుల్‌ ట్వీట్‌ చేశారు. అయితే ఏ దేశానికి వెళ్తున్నారో, ఎప్పుడు వస్తారో ఆయన స్పష్టంచేయలేదు. నిన్న పుట్టిన రోజు శుభాకాంక్షలు తెలిపిన వారందరికీ ఆయన ధన్యవాదాలు తెలిపారు.
గత ఏడాది రాహుల్‌ గాంధీ ఎలాంటి సమాచారం ఇవ్వకుండా 56 రోజుల పాటు విదేశీ పర్యటనకు వెళ్లడం దేశ వ్యాప్తంగా చర్చనీయాంశమైన సంగతి తెలిసిందే. పార్లమెంట్‌ బడ్జెట్‌ సమావేశాలకు కూడా రాహుల్‌ గాంధీ లేకపోవడం పట్ల భాజపా గతంలో తీవ్ర విమర్శలు చేసింది.
తాజాగా రాహుల్‌ గాంధీకి కాంగ్రెస్‌ అధ్యక్ష పీఠం అప్పజెప్పే అవకాశముందని కూడా వార్తలు వస్తున్న సంగతి తెలిసిందే.