రేపు అనగా సెప్టెంబర్ 27న ‘దేవర’ ప్రపంచ వ్యాప్తంగా ప్రేక్షకుల ముందుకు రానుంది. ఈ నేపథ్యంలో ఈ అర్ధరాత్రి నుంచే స్పెషల్ ప్రీమియర్ షోలు పడనున్న సంగతి తెలిసిందే.
ఈ ప్రీమియర్ షోలకు సంబంధించి టికెట్ల రేట్లు ఎంతుండబోతున్నాయో చెప్పలేం కానీ, ఇది పూర్తిగా ఫ్యాన్స్ స్పెషల్ షోస్. ఎంతైనా రేటుండొచ్చు.

ఇక, రేపు అసలు సిసలు రిలీజ్ డేట్. ఈ రిలీజ్ కోసం సింగిల్ స్క్రీన్స్‌లో టికెట్ మీద 100 రూపాయలు పెంచుకునేందుకు రెండు తెలుగు రాష్ట్రాల్లోనూ ప్రభుత్వం నుంచి అనుమతి లభించింది.

అయితే, సింగిల్ స్క్రీన్‌లో రేపు ఒక్కరోజు మాత్రమే పెరిగిన రేటుంటుంది. కానీ, మల్టీప్లెక్స్‌లో అయితే 10 రోజుల పాటు ఈ పెంచిన టికెట్ రేటు అమలులో వుండనుందట.

దాదాపు 400 కోట్ల భారీ బడ్జెట్‌తో ఈ సినిమా రూపొందిన సంగతి తెలిసిందే. సో, ఆ మొత్తాన్నీ రాబట్టాలంటే టికెట్ రేట్లుండాల్సిందే. ఇక, బాలీవుడ్‌లో ఈ సినిమాపై భారీగా అంచనాలున్నాయ్.

అలాగే ఓవర్సీస్‌లోనూ భారీగా బిజినెస్ జరిగినట్లు తెలుస్తోంది. ఓవర్సీస్ హైప్‌ని దృష్టిలో పెట్టుకుని ఇక్కడ హైప్ పెంచేయడం ఈ సినిమాకి గమనించదగ్గ అంశం. మరి, ఆ హైప్‌ని ‘దేవర’ అందుకుంటాడా.? లేదా.? తెలియాలంటే ఈ అర్ధరాత్రితో తెలిసిపోతుంది.