ఇండియాకి చెందిన ప్రీమియర్‌ ఇంటర్నేషనల్‌ ఎయిర్‌ లైన్‌, సరికొత్త బుకింగ్‌ ఫీచర్‌ ఫేర్‌ లాక్‌ని ప్రారంభించింది. జెట్‌ ఎయిర్‌ వేస్‌ వెబ్‌సైట్‌, మొబైల్‌ యాప్‌ల ద్వారా బుక్‌ చేసుకునే వినియోగదారుల కోసం ఈ ఫేర్‌ లాక్‌ని అందుబాటులోకి తెచ్చారు. ఈ ఫేర్‌ లాక్‌లో సభ్యత్వం కోసం అంతర్జాతీయ ప్రయాణీకులు 4 ఒమన్‌ రియాల్స్‌ చెల్లించాల్సి ఉంటుంది. అయితే ఇది టిక్కెట్‌ బుక్‌ చేసుకున్నప్పుడు అందులోంచి మినహాయించబడుతుంది. తమకు కావాల్సిన సమయంలో విమాన ప్రయాణం చేసుకోవడంతోపాటు, టిక్కెట్‌ ఫేర్‌ని కూడా లాక్‌ చేసుకోవడం ఈ ఫేర్‌ లాక్‌ స్పెషాలిటీ. మస్కట్‌ నుంచి కోచి, తిరువనంతపురం, ముంబై, ఢిల్లీ తదితర ప్రాంతాలకు ఈ ఫేర్‌లాక్‌ అవకాశాన్ని అందుబాటులోకి తెచ్చారు. ఈ విధానంతో ఎయిర్‌ లైన్స్‌ రంగంలో జెట్‌ ఎయిర్‌ వేస్‌ కొత్త అధ్యాయానికి తెరలేపిందనీ, ఇది వినియోగదారులకు ఎంతో అందుబాటులో ఉంటుందని, ఈ పథకం విజయవంతమవుతుందని ఆశిస్తున్నామని జెట్‌ ఎయిర్‌ వేస్‌ ఒమన్‌ జనరల్‌ మేనేజర్‌ మన్ను ఆనంద్‌ చెప్పారు.