యూఏఈ: ఫుజైరాలోని ఓ పర్వత ప్రాంతంలో అడవి జంతువుల కోసం ట్రాపింగ్ పరికరాలను ఉపయోగిస్తున్నట్లు ఆన్‌లైన్‌లో ఓ వీడియో వైరల్ కావడంతో.. ఫుజైరా పర్యావరణ అధికార బృందాలు రంగంలోకి దిగాయి. ఫుజైరా ఎన్విరాన్‌మెంటల్ అథారిటీకి చెందిన బయోడైవర్సిటీ బృందం వైరల్ వీడియోలో చూపించిన  ప్రదేశాన్ని గుర్తించారు.  ప్రత్యేక బృందాలు వెంటనే వేటకు ఉపయోగించిన అన్ని పరికరాలను స్వాధీనం చేసుకున్నారు. పర్యావరణానికి హాని కలిగించే చట్టవిరుద్ధమైన చర్యల కారణంగా ఈ చర్యకు పాల్పడిన వ్యక్తులను గుర్తించి వారిపై చట్టపరమైన చర్యలు తీసుకునేందుకు కసరత్తు సాగుతున్నట్లు అధికార యంత్రాంగం తెలిపింది. ఏదైనా సమాచారం తెలిస్తే టోల్ ఫ్రీ నంబర్ - 800368కి నివేదించాలని అథారిటీ పిలుపునిచ్చింది.