జాతీయ జెండాను కానీ, దేశానికి సంబంధించిన బ్యానర్ కానీ ఎగరేసే వారిపై చర్యలకు కువైట్ సిద్ధమవుతోంది. ఈ మేరకు పార్లమెంటరీ లెజిస్లేటివ్ కమిటీ ఓ ప్రతిపాదన తీసుకొచ్చింది. జెండాను ఎగురవేసే సంస్థలతోపాటు నిరసన ప్రదర్శనల సమయంలో జెండాను ఎగురవేయడంపై నిషేధం విధించాలనేది ఆ ప్రతిపాదన సారాంశం. దీనిని ఉల్లంఘించిన వారికి ఆరు నెలల నుంచి ఏడాది జైలు శిక్ష, వెయ్యి నుంచి మూడువేల కేడీల జరిమానా, లేదంటే రెండూ విధిస్తారు. అలాగే ప్రైవేటు బిల్డింగులు, ఆర్గనైజేషన్లు, క్యాంపుల్లో ఏ దేశ జాతీయ జెండాను ఎగురవేసినా నేరంగా పరిగణిస్తారు. ఇలా ఎగురవేస్తూ దొరికిన వారికి మూడు నెలల నుంచి ఏడాది జైలు శిక్ష, 500 నుంచి వెయ్యి కేడీల జరిమానా, ఒక్కోసారి రెండూ విధించే అవకాశం ఉంది.
జాతీయ జెండాను ట్రేడ్ మార్కుగా, యాడ్లుగా వినియోగించే వారిపైనా చర్యలు తీసుకుంటారు. చిరిగిని జెండాను ఎగురవేయడం, జెండాను ధరించడం కూడా నేరమే.