రియాద్: గత వారం రోజుల్లో సౌదీ అరేబియాలోని వివిధ ప్రాంతాల్లో జరిపిన తనిఖీ దాడుల్లో భద్రతా దళాలు మొత్తం 22094 మంది అక్రమ నివాసితులను అరెస్టు చేసినట్లు అంతర్గత వ్యవహారాల మంత్రిత్వ శాఖ ప్రకటించింది. సెప్టెంబర్ 26 -అక్టోబర్ 2 మధ్య కాలంలో అరెస్టులు జరిగాయి. అరెస్టయిన వారిలో 13,731 మంది నివాస చట్టాన్ని ఉల్లంఘించినవారు, 4,873 మంది సరిహద్దు భద్రతా చట్టాన్ని ఉల్లంఘించినవారు, 3,490 మంది కార్మిక చట్టాన్ని ఉల్లంఘించినవారు ఉన్నారని అధికారులు తెలిపారు. రాజ్యంలోకి సరిహద్దులు దాటేందుకు ప్రయత్నిస్తూ 1,337 అరెస్ట్ కాగా, వీరిలో 44 శాతం మంది యెమెన్ జాతీయులు, 53 శాతం ఇథియోపియన్ జాతీయులు మరియు మూడు శాతం ఇతర దేశాలకు చెందినవారు ఉన్నారు. మొత్తం 13,979 మంది ప్రవాసులపై చట్టపరమైన ప్రక్రియలు కొనసాగుతున్నాయని పేర్కొన్నారు.  ఎవరైనా వ్యక్తులు రాజ్యంలోకి అక్రమంగా ప్రవేశించడానికి సహాయం గరిష్టంగా 15 సంవత్సరాల జైలు శిక్ష, SR1 మిలియన్ వరకు జరిమానా విధించబడుతుందని అంతర్గత వ్యవహారాల మంత్రిత్వ శాఖ హెచ్చరించింది. మక్కా, రియాద్, తూర్పు ప్రావిన్స్‌లోని ప్రాంతాలలో 911 నంబర్‌కు.. కింగ్‌డమ్‌లోని మిగిలిన ప్రాంతాలలో 999 మరియు 996 నంబర్‌లకు కాల్ చేయడం ద్వారా ఏదైనా ఉల్లంఘన కేసులను నివేదించాలని ప్రజలను కోరింది.