కువైట్: జహ్రా గవర్నరేట్ ఇన్వెస్టిగేషన్స్ డిపార్ట్‌మెంట్ క్రిమినల్ సెక్యూరిటీ సెక్టార్.. అమ్ఘరా స్క్రాప్ యార్డ్ వెనుక ఎడారి ప్రాంతంలో హౌస్ డ్రైవర్‌ డెడ్ బాడీ కేసులో ఒక అనుమానితుడిని అరెస్టు చేసింది. అంతర్గత వ్యవహారాల మంత్రిత్వ శాఖ ప్రకారం.. అనుమానితుడు రక్తంతో తడిసిన దుస్తులను చెత్త కుండీలో విసిరివేయడాన్ని చూసిన ఒక వ్యక్తి పోలీసులకు సమాచారం అందించాడు. సీసీ కెమెరాలను పరిశీలించిన పోలీసులు అనుమానితుడి వాహనాన్ని గుర్తించి, అందులో రక్తపు ఆనవాళ్లను గుర్తించారు. తదుపరి విచారణలో, అనుమానితుడు తన హౌస్ డ్రైవర్‌ను హత్య చేసి, మృతదేహాన్ని అంఘరా స్క్రాప్ యార్డ్ వెనుక ఎడారి ప్రాంతంలో విసిరినట్లు నేరాన్ని అంగీకరించాడు.  కేసు నమోదు చేసి కాంపిటెంట్ అథారిటీకి రిఫర్ చేశారు.