మనామా: రెండు సంవత్సరాల నుంచి వేతనాలు చెల్లించని యజమానిపై కార్మికుడు కేసు గెలిచాడు. చట్ట విరుద్ధంగా విధుల నుంచి తొలగించినందుకు జరిమానాల రూపంలో అతనికి BD8,000 చెల్లించాలని కోర్టు కంపెనీని ఆదేశించింది. మూడేళ్ల సర్వీసు తర్వాత ఎలాంటి కారణం లేకుండా తొలగించారని కార్మికుడు కోర్టును ఆశ్రయించాడు. అతను BD500 నెలవారీ వేతనంతో ఓపెన్-ఎండ్ కాంట్రాక్టులో ఉన్నాడని,  అక్టోబర్ 2021 నుండి మార్చి 2024 వరకు అతను వేతనం పొందలేదని కోర్టుకు తెలిపాడు.  తక్కువ ఆదాయం,  తక్కువ ఆర్డర్‌ల కారణంగా ఆర్థికంగా ఇబ్బంది ఉందని యజమాని పేర్కొన్నారు.  కాగా, తొలగింపుకు సరైన కారణాన్ని అందించడంలో కంపెనీ విఫలమైనందున, కార్మికుడిని తప్పుగా తొలగించారని కోర్టు గుర్తించి ఉత్తర్వులు జారీ చేసింది.