దుబాయ్: అల్ మైదాన్ స్ట్రీట్, రస్ అల్ ఖోర్ స్ట్రీట్ మధ్య దీరా వైపు 610 మీటర్ల కొత్త రెండు లేన్ వంతెన అక్టోబర్13 నుంచి అందుబాటులోకి రానుందని దుబాయ్ రోడ్స్ అండ్ ట్రాన్స్‌పోర్ట్ అథారిటీ (RTA) ప్రకటించింది. అల్ ఖైల్ రోడ్ డెవలప్‌మెంట్ ప్రాజెక్ట్‌లో ఇది నాల్గవ వంతెన అని RTA ట్రాఫిక్ రోడ్స్ ఏజెన్సీ డైరెక్టర్ హమద్ అల్ షెహి తెలిపారు. “అక్టోబర్ 13న ప్రారంభమయ్యే కొత్త వంతెన గంటకు 3,200 వాహనాల సామర్థ్యాన్ని కలిగి ఉంటుంది. మైదాన్ స్ట్రీట్ నుండి అల్ ఖైల్ రోడ్ నుండి డీరా వైపు వెళ్లే వాహనాలకు ఇది ఉపయోగంగా ఉంటుంది.’’అని పేర్కొన్నారు.   

ప్రయాణ సమయం 30% తగ్గింపు

అల్ ఖైల్ రోడ్ డెవలప్‌మెంట్ ప్రాజెక్ట్ ప్రస్తుత కూడళ్లు వంతెనల సామర్థ్యాన్ని గంటకు సుమారు 19,600 వాహనాల ద్వారా అల్ ఖైల్ రోడ్‌లో ట్రాఫిక్ ప్రవాహాన్ని క్రమబద్ధీకరిస్తుంది. ప్రయాణ సమయాన్ని 30 శాతం తగ్గిస్తుందని తెలిపారు.  "అల్ ఖైల్ రోడ్ దుబాయ్‌లోని ప్రధాన రహదారులలో ఒకటి. ఇది దుబాయ్ జనాభాలో 1.5 మిలియన్లకు పైగా సేవలందిస్తోంది. ప్రతిరోజూ 300,000 కంటే ఎక్కువ వాహనాలు వెళుతున్నాయి." అని ఆయన పేర్కొన్నారు.ఈ మెగా-ప్రాజెక్ట్ అల్ ఖైల్ రోడ్డు వెంబడి జాబీల్, మైదాన్, అల్ క్యూజ్ 1, అల్ జద్దాఫ్, గదీర్ అల్ తైర్, జుమేరా విలేజ్ సర్కిల్‌తో సహా ఏడు ప్రాంతాల్లో ట్రాఫిక్ సమస్యలను పరిష్కరిస్తుంది. అల్ ఖైల్ రోడ్ నుండి ఫైనాన్షియల్ సెంటర్ స్ట్రీట్ నుండి షేక్ జాయెద్ రోడ్ వైపు ట్రాఫిక్‌ను అనుమతిస్తూ జాబీల్‌లోని వంతెనతో సహా మూడు వంతెనలు ప్రజలకు ఇటీవల అందుబాటులోకి వచ్చాయి.  ఐదు వంతెనల్లో చివరి వంతెనను వచ్చే వారం ప్రారంభించనున్నట్లు అల్ షెహి తెలిపారు.