దోహా: హమద్ మెడికల్ కార్పొరేషన్ కు చెందిన ఖతార్ పునరావాస సంస్థ (QRI) విప్లవాత్మక యాంటీ గ్రావిటీ ట్రెడ్‌మిల్‌ ను ప్రవేశపెట్టింది. ప్రత్యేకంగా దానిని  మస్క్యులోస్కెలెటల్ ఔట్ పేషెంట్ విభాగంలో ఏర్పాటు చేశారు.  ఇది నడవలేని రోగులకు రికవరీ ప్రక్రియను మెరుగుపరుస్తుందని HMCలోని కార్పొరేట్ రీహాబిలిటేషన్ థెరపీ సర్వీసెస్ లీడ్ డాక్టర్ హనాది అల్ హమద్ తెలిపారు. కీళ్ళు , కండరాలపై ఒత్తిడి లేకుండా ఇది చేస్తుందని, తీవ్రమైన గాయాలు, శస్త్రచికిత్సల నుండి కోలుకుంటున్న వ్యక్తులకు ఇది చాలా కీలకమైనదిగా పేర్కొన్నారు.  యాంటీ గ్రావిటీ ట్రెడ్‌మిల్ అధునాతన డిఫరెన్షియల్ ఎయిర్ ప్రెజర్ టెక్నాలజీని ఉపయోగించి, వాకింగ్ లేదా రన్నింగ్ సమయంలో రోగులకు మద్దతిచ్చే శరీర బరువు మొత్తాన్ని అడ్జస్ట్ చేసేలా రూపొందించారు.