వీలు చిక్కినప్పుడల్లా పవన్ కళ్యాణ్ తన గొంతును సవరించుకుంటుంటారు. అలా ఆయన నోటి వెంట వచ్చిన పాటలు సెన్సేషనల్ హిట్స్ అయ్యాయ్. తాజాగా మరోసారి ఆయన గొంతు సవరించుకోనున్నారు.

ఓ వైపు రాజకీయాలతో బిజీగా వుంటూ యాక్టింగ్ చేయడమే కష్టం అనుకుంటే, ఓ అరుదైన పాటను సైతం ఆలపించేశారాయన. ‘హరి హరవీరమల్లు’ సినిమా కోసం పవన్ కళ్యాణ్ ఈ పాటను ఆలపించడం విశేషం.

ఆస్కార్ అవార్డ్ గ్రహీత కీరవాణి మ్యూజిక్‌లో రాబోతున్న ఈ పాటను దీపావళికి రిలీజ్ చేసేందుకు ప్లాన్ చేస్తున్నారు.

ప్రస్తుతం ఈ సినిమా షూటింగ్ విజయవాడ పరిసర ప్రాంతాల్లో శరవేగంగా జరుగుతోంది. అలాగే, మరోవైపు ‘ఓజీ’లో ఓ భీకరమైన యాక్షన్ ఎపిసోడ్ కోసం ఏర్పాట్లు చేస్తున్నారు. ఇలా రెండు పక్కలా రెండు సినిమాల్నీ పవన్ కళ్యాణ్ పూర్తి చేస్తూనే మరోవైపు రాజకీయ కార్యకలాపాల్లోనూ యాక్టివ్‌గా పాల్గొంటున్నారు.