దుబాయ్: తన కారులో దొరికిన 1 మిలియన్ దిర్హామ్ విలువైన వస్తువులను తిరిగి ఇచ్చినందుకు ఈజిప్షియన్ టాక్సీ డ్రైవర్‌ను దుబాయ్ పోలీసులు సత్కరించారు. దుబాయ్ టాక్సీ కార్పొరేషన్‌లో పనిచేస్తున్న హమదా అబూ జీద్‌కు  అల్ బార్షా పోలీస్ స్టేషన్ డైరెక్టర్ బ్రిగేడియర్ మాజిద్ అల్ సువైదీ సన్మానించి..ప్రశంసా పత్రం అందజేశారు. ఇలాంటి ఘటనలు సమాజంలో సానుకూల విలువలను బలోపేతం చేస్తాయన్నారు.   అనంతరం తనకు దక్కిన గుర్తింపునకు అబూ జైద్ కృతజ్ఞతలు తెలిపారు. విలువైన వస్తువులను వాటి యజమానికి సురక్షితంగా తిరిగి ఇచ్చేలా పోలీసులకు తిరిగి ఇవ్వడం తన విధిగా భావించినట్లు పేర్కొన్నాడు.