రియాద్: సౌదీ క్రౌన్ ప్రిన్స్, ప్రధాన మంత్రి మహమ్మద్ బిన్ సల్మాన్ రియాద్‌లోని తన కార్యాలయంలో ప్రపంచంలోనే మొట్టమొదటి పూర్తి రోబోటిక్ గుండె మార్పిడిని నిర్వహించిన సౌదీ వైద్య బృందాన్ని అభినందించారు. రియాద్‌లోని కింగ్ ఫైసల్ స్పెషలిస్ట్ హాస్పిటల్ & రీసెర్చ్ సెంటర్ (KFSHRC)కి చెందిన వైద్య బృందం సెప్టెంబరులో ఎండ్-స్టేజ్ హార్ట్ ఫెయిల్యూర్‌తో బాధపడుతున్న 16 ఏళ్ల రోగికి రోబోట్‌తో ప్రపంచంలోనే మొట్టమొదటి గుండె మార్పిడిని విజయవంతంగా నిర్వహించింది.   ప్రముఖ సౌదీ కార్డియాక్ సర్జన్ డాక్టర్ ఫెరాస్ ఖలీల్ నేతృత్వంలోని వైద్య బృందం.. రెండున్నర గంటల పాటు ఆపరేషన్ నిర్వహించింది.  KFSHRC డైరెక్టర్ల బోర్డు ఛైర్మన్ మజెన్ అల్-రుమైహ్, KFSHRC  CEO డా. మజేద్ అల్-ఫయాద్, డిప్యూటీ CEO డాక్టర్ బ్జోర్న్ జోగా క్రౌన్ ప్రిన్స్‌తో సమావేశం అయ్యారు.ఈ సందర్భంగా క్రౌన్ ప్రిన్స్ చారిత్రాత్మక విజయాన్ని సాధించినందుకు వైద్య బృందాన్ని, KFSHRC వైద్యులను అభినందించారు.