రస్ అల్ ఖైమా: రస్ అల్ ఖైమాలోని ప్రభుత్వ, ప్రైవేట్ పాఠశాల టీచర్స్ కోసం కొత్త గోల్డెన్ వీసా కార్యక్రమాన్ని ప్రకటించారు. రస్ అల్ ఖైమా డిపార్ట్‌మెంట్ ఆఫ్ నాలెడ్జ్ (RAK DOK) ప్రకారం.. ఈ పథకం నిర్ణీత ప్రమాణాలకు అనుగుణంగా ఉన్న నిపుణులకు సెల్ఫ్-ప్రాయోజిత లాంగ్ టైమ్ రెసిడెన్సీని మంజూరు చేస్తుంది.

ఈ కార్యక్రమం కింద రెండు ప్రధాన టీచర్స్ వర్గాలకు అందజేయనున్నారు. అవి..

1. స్కూల్ లీడర్లు: ప్రిన్సిపాల్స్, వైస్ ప్రిన్సిపల్స్, స్కూల్ డైరెక్టర్లు.

2. టీచర్స్: ప్రస్తుతం రస్ అల్ ఖైమాలోని ప్రభుత్వ, ప్రైవేట్ పాఠశాలల్లో అర్హత కలిగిన టీచర్లందరికి.

రెగ్యులేటరీ అథారిటీ నిర్దిష్ట ప్రమాణాల ఆధారంగా దరఖాస్తుదారులను అర్హత పొందేందుకు దరఖాస్తు ప్రక్రియను ప్రారంభించనుంది. ఇందులో రస్ అల్ ఖైమాలో కనీసం మూడు సంవత్సరాల రెసిడెన్సీ ఉండటంతోపాటు, సంబంధిత సబ్జెక్టులో డిగ్రీ, పనిచేస్తున్న పాఠశాలలో సానుకూల పనితీరును కలిగిఉండాలి.