ఆరోగ్య సంరక్షణ కోసం ఉదయాన్నే లేచి నడక, వర్కవుట్లు చేయడం సర్వసాధారణం. మార్నింగ్ వాక్ అనేది ఆరోగ్యానికి ఎంతో మేలు చేసే అలవాటు. ఉదయాన్నే నడకకు వెళ్లడం వల్ల మన శరీరం, మనసు రెండూ చురుకుగా ఉంటాయి.ఉదయపు వాతావరణంలో నడవడం వల్ల మనకు శారీరకంగా, మానసికంగా అనేక ప్రయోజనాలు కలుగుతాయి.అయితే ఈ చలికాలంలో అటువంటిమేమీ చేయొద్దని, ఒకవేళ చేస్తే ఆరోగ్యం సంగతి దేవుడెరుగు అనారోగ్యం బారినపడడం తథ్యం అని కొంతమంది ఆరోగ్య నిపుణులు సూచిస్తున్నారు.అయితే ఇది అన్ని ప్రాంతాలలో కాదండి కేవలం ఢిల్లీ లాంటి మహానగరంలో మాత్రమే ఈ పరిస్థితి ఉంది. అసలు ఢిల్లీలో మార్నింగ్ వాక్ చేయకపోవడానికి గల కారణాలు ఏమిటో తెలుసుకుందాం.

సాధారణంగా మార్నింగ్ వాక్ వల్ల మన మానసిక ఆరోగ్యం కూడా మెరుగుపడుతుంది. ఉదయపు వేళల్లో వీచే గాలి తాజాగా ఉంటుందని, అందువల్ల ఆరోగ్యంగా ఉండగలుగుతామని అందరూ భావిస్తారు. ఉదయాన్నే నడవడం వల్ల మనసు ప్రశాంతంగా ఉంటుంది, ఒత్తిడి తగ్గుతుంది. నడక సమయంలో మనం ప్రకృతిని ఆస్వాదించవచ్చు, పక్షుల కిలకిలారావాలు వింటూ, పచ్చని చెట్ల మధ్య నడవడం వల్ల మనసుకు ఎంతో ఆనందం కలుగుతుంది.ఈ ఆలోచన ఎక్కడైనా ఉపయోగపడుతుందేమో కానీ దేశ రాజధానిలో మాత్రం కాదు. 

ఢిల్లీ లాంటి మహానగరంలో మార్నింగ్ వాక్ చేయకపోవడానికి అనేక కారణాలు ఉన్నాయి. మొదటగా ఢిల్లీలో గాలి కాలుష్యం చాలా ఎక్కువగా ఉంటుంది.ఉదయం వేళల్లో పొగమంచు కారణంగా గాలి నాణ్యత మరింత దిగజారుతుంది.ఈ కాలుష్య గాలి పీల్చడం ఆరోగ్యానికి హానికరం. ముఖ్యంగా ఊపిరితిత్తుల సమస్యలు ఉన్నవారికి ఇది మరింత ప్రమాదకరం. ఈ సమయంలో ఊపిరితిత్తులకు ముప్పుగా పరిణమించే కాలుష్య కారకాలు గాలిలో సమ్మిళితమయ్యాయి. ఈ కారణంగా మీ ఊపిరితిత్తుల పనిసామర్థ్యం కాలక్రమేణా తగ్గిపోవడం తథ్యమని ఢిల్లీకి చెందిన వైద్య నిపుణులు హెచ్చరిస్తున్నారు.అంతేకాకుండా
శ్వాసకోశ సమస్యలు కూడా తలెత్తుతున్నాయని
తెలుపుతున్నారు. 

మరొక కారణం, పార్కులు మరియు పబ్లిక్ ప్లేస్‌లు సరిగ్గా నిర్వహించబడకపోవడం.చాలా పార్కులు శుభ్రంగా ఉండవు, అక్కడ వ్యర్థాలు, చెత్త ఎక్కువగా ఉంటాయి.ఈ పరిస్థితుల్లో వాకింగ్ చేయడం అసౌకర్యంగా ఉంటుంది.అలాగే, ఢిల్లీలోని కొన్ని ప్రాంతాల్లో భద్రతా సమస్యలు కూడా ఉంటాయి.ఉదయం వేళల్లో రోడ్ల పై నడవడం సురక్షితం కాకపోవచ్చు. ఈ కారణంగా చాలా మంది మార్నింగ్ వాక్ చేయడానికి భయపడతారు.

ఇంకా, ఢిల్లీలోని వాతావరణ పరిస్థితులు కూడా మార్నింగ్ వాక్ చేయడానికి అనుకూలంగా ఉండవు. ఈ సమయం వాకింగ్ చేయడానికి అసౌకర్యంగా ఉంటుంది. చలికాలంలో కూడా, ఉదయం వేళల్లో ఉష్ణోగ్రతలు చాలా తక్కువగా ఉంటాయి. ఇంకా, రోడ్లపై ట్రాఫిక్ కూడా ఒక పెద్ద సమస్య. ఉదయం వేళల్లో కూడా రోడ్లపై వాహనాల రద్దీ ఎక్కువగా ఉంటుంది. ఈ ట్రాఫిక్ కారణంగా వాకింగ్ చేయడం కష్టసాధ్యం. రోడ్లపై నడవడం ప్రమాదకరంగా కూడా ఉంటుంది. ఇటువంటి పరిస్థితుల్లో మార్నింగ్ వాక్ చేయడమంటే అనారోగ్యాన్ని కొని తెచ్చుకోవడమేనంటున్నారు. అందువల్ల ఉదయం పూట ఇంటికే పరిమితం కావాలని హితవు పలుకుతున్నారు.

సాధారణంగా అయితే ఉదయం పూట గాలి అత్యంత స్వచ్ఛంగా ఉంటుంది. ఆ తర్వాత క్రమేపీ
కలుషితమవుతుంది. అయితే ఢిల్లీ లాంటి నగరంలో పరిస్థితి ఇందుకు పూర్తి భిన్నంగా ఉంది. నగరంలోని దుమ్మధూళి కణాల స్థాయి ఉదయం వేళల్లోనే 2.5 శాతంగా నమోదవుతోంది. ఉదయం ఆరు గంటలనుంచి పది గంటలవరకూ ఇదే పరిస్థితి కొనసాగుతోంది. ఉష్ణోగ్రతలు పడిపోవడమే ఇందుకు కారణమని శాస్త్రవేత్తలు చెబుతున్నారు. పొగమంచు కారణంగా దృశ్యస్పష్టత తగ్గిపోతుందని, ఇందువల్ల కళ్లపై ఒత్తిడి పడుతుందని చెబుతున్నారు. 

ఈ విషయమై నగర వాతావరణ శాఖ అనుబంధ సిస్టమ్ ఆఫ్ ఎయిర్ క్వాలిటీ ఫోర్ కాస్టింగ్ అండ్ రీసెర్చి సెంటర్ ప్రధాన శాస్త్రవేత్త మాట్లాడుతూ ‘సాయంత్రం ఏడు గంటలనుంచి ఉదయం ఏడు గంటలవరకూ నగర వాతావరణంలో ధూళికణాల సంఖ్య అధికంగా ఉంటోంది. ఈ పరిస్థితి ఒక్కోసారి ఉదయం పదిగంటలదాకా కొనసాగుతోంది’అని అన్నారు. దీంతో ఉదయం వాకింగ్ చేసే వారు తమ సమయాలను మార్చుకొని మధ్యాహ్నం లేదా సాయంత్రం పూట వాకింగ్ చేయాలని సూచిస్తున్నారు. మొత్తానికి, ఢిల్లీ లాంటి మహానగరంలో మార్నింగ్ వాక్ చేయకపోవడానికి గల ప్రధాన కారణాలు గాలి కాలుష్యం, ట్రాఫిక్, పార్కుల నిర్వహణ లోపం, భద్రతా సమస్యలు, మరియు వాతావరణ పరిస్థితులు. ఈ కారణాల వల్ల ఢిల్లీ లాంటి నగరంలో మార్నింగ్ వాక్ చేయకపోవడం మంచిది.

అయితే ఇది నాణేనికి ఒకవైపు మాత్రమే. ఢిల్లీ లాంటి నగరం మినహాయిస్తే ఇతర ప్రాంతాల్లో నివసించే వారికి మార్నింగ్ వాక్ చేయడం వల్ల అనేక ప్రయోజనాలు ఉంటాయి. మార్నింగ్ వాక్  ఆరోగ్యానికి ఎంతో మేలు చేస్తుంది. ఉదయాన్నే నడవడం వల్ల శరీరం మనసు రెండూ చురుకుగా పనిచేస్తాయి. గుండె ఆరోగ్యం, రక్త ప్రసరణ మెరుగుపడుతుంది. గుండెకు సంబంధించిన వ్యాధుల ప్రమాదం తగ్గుతుంది. అలాగే, మన శరీరంలోని కొవ్వు కరిగిపోతుంది, బరువు తగ్గడానికి సహాయపడుతుంది. బరువు తగ్గడమే కాకుండా, శరీరాన్ని ఫిట్‌గా ఉంచడంలో కూడా సహాయపడుతుంది.

మార్నింగ్ వాక్ వల్ల మన మానసిక ఆరోగ్యం కూడా మెరుగుపడుతుంది. ఉదయాన్నే నడవడం వల్ల మనసు ప్రశాంతంగా ఉంటుంది, ఒత్తిడి తగ్గుతుంది. 
ఇంకా నడక వల్ల కండరాలు, ఎముకలు బలపడతాయి. ఇది ముఖ్యంగా వృద్ధులకు చాలా ఉపయోగకరం. నడక వల్ల జాయింట్లు చురుకుగా ఉంటాయి, వయసు పెరిగే కొద్దీ వచ్చే సమస్యలు తగ్గుతాయి.

మార్నింగ్ వాక్ వల్ల మన శరీరంలో శక్తి స్థాయి పెరుగుతుంది. ఉదయాన్నే నడవడం వల్ల మన శరీరం శక్తివంతంగా ఉంటుంది, రోజంతా చురుకుగా ఉండడానికి సహాయపడుతుంది. ఇది మన పనితీరు మెరుగుపడటానికి, దైనందిన పనులను సులభంగా చేయడానికి సహాయపడుతుంది. ఇలా చెప్పుకుంటూ పోతే మార్నింగ్ వాక్ వల్ల అనేక ప్రయోజనాలు ఉంటాయి. 

మొత్తానికి, మార్నింగ్ వాక్ అనేది ఆరోగ్యానికి ఎంతో మేలు చేసే అలవాటు. ఇది మన శారీరక, మానసిక ఆరోగ్యాన్ని మెరుగుపరచడంలో కీలక పాత్ర పోషిస్తుంది. కాబట్టి, ప్రతిరోజూ ఉదయాన్నే కొంత సమయం కేటాయించి నడవడం అలవాటు చేసుకోవడం మంచిది.

--వేణు పెరుమాళ్ల(మాగల్ఫ్ ప్రతినిధి)