యూఏఈ: యూఏఈ జాతీయ దినోత్సవ ప్రమోషన్‌లో భాగంగా ఫిక్స్ చాక్లెట్‌లపై 90 శాతం తగ్గింపును అందజేస్తున్న నకిలీ ఫేస్‌బుక్ ప్రకటన ద్వారా మోసాలకు గురవుతున్నారు. తాజాగా దుబాయ్‌కి చెందిన భారతీయ గృహిణి ఫిషింగ్ స్కామ్‌కు బలైంది. అల్ నహ్దా 2 నివాసి రషీదా గడివాలా ఆర్డర్ చేయడానికి ప్రయత్నించి $500 (Dh1,836) కోల్పోయింది.  ఆన్‌లైన్‌లో క్రమం తప్పకుండా షాపింగ్ చేసే రషీదా.. ప్రకటన నిజమైనదిగా కనిపించిందని చెప్పారు. "ఇది ఒకే లోగోను కలిగి ఉంది. చాలా నమ్మశక్యంగా కనిపించింది. నేను కొన్నేళ్లుగా ఆన్‌లైన్‌లో షాపింగ్ చేస్తున్నాను. కాబట్టి నేను సాధారణంగా ఏది నకిలీ, ఏది కాదో చెప్పగలను. గంటలోపు డెలివరీ అవుతుందని తెలపడంతో తొందరపడ్డాను. ఒక్కొక్కటి కేవలం 6.95 దిర్హామ్‌ల ధరతో 10 చాక్లెట్‌లను ఆర్డర్ చేశారు. ” అని ఆమె అన్నారు.  కాగా, చాక్లెట్ లు డెలివరీ కాలేదు. కానీ మరుసటి రోజు ఉదయం, తన భర్త హకీమ్ తన క్రెడిట్ కార్డ్‌కు $500 ఖర్చు చేసినట్లు నోటిఫికేషన్ వచ్చింది. “నా భార్య సెకండరీ కార్డ్‌ని ఉపయోగిస్తుంది. నేను ముందుజాగ్రత్తగా పరిమితిని తక్కువగా ఉంచుతాను. స్కామర్లు కొద్ది మొత్తాన్ని మాత్రమే తీసుకోగలరు. కానీ వారు OTP లేకుండా కార్డును ఉపయోగించారు. అది నన్ను ఆశ్చర్యానికి గురిచేసింది. వెంటనే బ్యాంకుకు ఫోన్ చేసి కార్డును బ్లాక్ చేయిచా.”అని అతను తెలిపారు.

యూఏఈలో ఇటీవల ఫిషింగ్ స్కామ్‌ల ట్రెండ్‌ పెరుగుతోంది. మోసపూరిత వెబ్‌సైట్‌లు చట్టబద్ధమైన ఫుడ్ డెలివరీ ప్లాట్‌ఫారమ్‌ల వలె ఫేక్ చేసి, భారీ డిస్కౌంట్ ఆఫర్ల పేరిట క్రెడిట్ కార్డ్ వివరాలను దొంగిలిస్తున్నారు.  ఇటీవల బుర్ దుబాయ్ నివాసి సారికా థడానీ, ఆగస్టులో తన తల్లి పుట్టినరోజు ట్రీట్‌గా 29 దిర్హాలకు తగ్గింపు చికెన్ ఫ్రైస్‌ను కొనుగోలు చేయడానికి ప్రయత్నించిన తర్వాత 9,872 దిర్హామ్‌ను కోల్పోయారు. అదేవిధంగా, దుబాయ్ నివాసి రాహుల్ ఖిల్లారేకు కాంబో భోజనం కోసం 14 దిర్హామ్‌లకు బదులుగా 14,000 దిర్హామ్‌లు మోసపోయాడు. మరొక బాధితుడు ఆన్‌లైన్‌లో ఫాస్ట్ ఫుడ్‌ను ఆర్డర్ చేయడానికి ప్రయత్నించిన తర్వాత 4,848 దిర్హామ్‌లు కోల్పోయాడు. ఇటీవల, అబ్దుల్ కాదర్ అనే మరో ప్రవాసుడు డిస్కౌంట్ బర్గర్‌ల కోసం ఫేస్‌బుక్ ప్రకటనపై క్లిక్ చేసిన తర్వాత నాలుగు అనధికార లావాదేవీల ద్వారా Dh16,055 కోల్పోయాడు.  ఈ మోసాలు నానాటికీ అత్యాధునికంగా మారుతున్నాయని సైబర్ సెక్యూరిటీ నిపుణులు హెచ్చరిస్తున్నారు. "చట్టబద్ధమైన ప్లాట్‌ఫారమ్‌ల వలె మోసపూరిత వెబ్‌సైట్‌లు వినియోగదారుల నమ్మకాన్ని కలిగిస్తాయి. ఆకర్షణీయమైన ఆఫర్‌లతో వారిని ప్రలోభపెడతాయి." అని CREDO టెక్నాలజీ సర్వీసెస్ LLC వ్యవస్థాపకుడు,  చీఫ్ టెక్నాలజీ ఆఫీసర్ ఒబైదుల్లా కజ్మీ అన్నారు. ఆన్‌లైన్ లావాదేవీలు చేయడానికి ముందు వెబ్‌సైట్ ప్రామాణికతను ధృవీకరించుకోవాలని తరచూ అధికారులు, బ్యాంకులు నివాసితులకు సూచిస్తున్నారు.