మనామా: బహ్రెయిన్‌లోని స్థానిక మాల్‌లో ఒక సెక్యూరిటీ గార్డుపై మోటార్‌సైకిలిస్ట్ దాడికి పాల్పడ్డాడు. ఈ దాడిలో సెక్యూరిటీ గార్డు 1% శాశ్వత వైకల్యాన్ని పొందాడు. సెక్యూరిటీ గార్డు డ్యూటీలో ఉండగా, మోటార్‌సైకిలిస్ట్ ను గ్యాస్ రూమ్ నుండి దూరంగా వెళ్లాలని కోరాడు. దాంతో మోటారుసైకిలిస్ట్ ఆగ్రహంతో తన హెల్మెట్‌తో గార్డును అతని ఎడమ చేతిపై మూడుసార్లు బలంగా కొట్టాడు..దాడి ఫలితంగా గార్డు మణికట్టు విరిగడంతోపాటు ఎడమ చేతి చిటికెన వేలికి పగులు ఏర్పడ్డాయి. పబ్లిక్ ప్రాసిక్యూషన్ విచారణలో దుండగుడు తన హెల్మెట్‌తో దాడి చేసినట్టు అంగీకరించాడు.

ఫోరెన్సిక్ మెడికల్ రిపోర్ట్ గాయాలకు 20 రోజుల కంటే ఎక్కువ చికిత్స అవసరమని నిర్ధారించారు. గార్డు ఎడమ చేతిపై చిటికెన వేలు వంగడంలో 1% శాశ్వత పరిమితి ఏర్పడింది. సెక్యూరిటీ గార్డుపై దాడి చేసి 1% శాశ్వత వైకల్యానికి కారణమైనట్లు మోటర్‌సైక్లిస్ట్‌పై అభియోగాలు మోపింది. డిసెంబరు 15వ తేదీన హైక్రిమినల్ కోర్టులో ఈ కేసుకు సంబంధించిన శిక్ష ఖరారు చేయనున్నారు.