Photo: X/Dubai Media Office

దుబాయ్: బెల్జియం మోస్ట్ వాంటెడ్ ఇంటర్నేషనల్ డ్రగ్ ట్రాఫికర్లలో ఒకరైన ఒత్మాన్ ఎల్ బల్లౌటిని దుబాయ్‌లో అరెస్టు చేశారు. ఈ మేరకు దుబాయ్ పోలీసులు డిసెంబర్ 9 న ధృవీకరించారు. అంతర్జాతీయ వ్యవస్థీకృత నేరాలు, మాదకద్రవ్యాల అక్రమ రవాణాలో అనేక కేసులు ఎదుర్కొంటున్న అతనిపై బెల్జియన్ అధికారులు అంతర్జాతీయ రెడ్ నోటీసును జారీ చేశారు.    

ఇంటర్‌పోల్,  యూరోపోల్ వాంటెడ్ లిస్ట్‌లలో మోస్ట్ వాంటెడ్ అయిన ఎల్ బల్లౌటి, యూరప్‌లోని ప్రధాన డ్రగ్ గేట్‌వేలలో ఒకటైన బెల్జియన్ పోర్ట్ ఆఫ్ ఆంట్‌వెర్ప్‌లో ప్రధాన డ్రగ్ స్మగ్లింగ్ రింగ్‌ను నడుపుతున్నట్లు ఆరోపణలు ఉన్నాయి.  అయితే, తాము అతనిని బెల్జియన్ కు అప్పగించే విషయాన్ని పరిశీలిస్తున్నట్లు న్యాయశాఖ తెలిపింది.  బెల్జియం -యూఏఈ 2021లో అప్పగింత ఒప్పందంపై సంతకం చేశాయి.