కువైట్: కువైట్ లో నివసించే భారతీయుడు కువైట్ నుండి భారతదేశానికి వెళ్లి, తన 12 ఏళ్ల కుమార్తెను లైంగికంగా వేధించిన తన బంధువును చంపి, అదే రోజు సాయంత్రం తిరిగి కువైట్‌కు తిరిగి వచ్చాడు. అనంతరం తన నేరానికి సంబంధించిన వీడియోను విడుదల చేయడం సంచలనం సృష్టించింది.

కువైట్‌లో కూలీగా పనిచేస్తున్న నిందితుడు ఇటీవల ఇండియా వచ్చాడని, తన కుమార్తెపై లైంగిక వేధింపులకు పాల్పడ్డాడనే ఆరోపణలపై తన 59 ఏళ్ల బంధువును ఇనుప రాడ్‌తో కొట్టి చంపాడు. ఈ మేరకు ఆంధ్రప్రదేశ్ పోలీసులు తెలిపారు. తన కుమార్తె ఫిర్యాదుపై చర్యలు తీసుకోవడంలో పోలీసులు విఫలమయ్యారని వీడియోలో పేర్కొన్నాడు.

భారతీయ మీడియా ప్రకారం..నిందితుడు, అతని భార్య కువైట్‌లో ఉద్యోగం చేస్తున్నారు. వారి 12 ఏళ్ల కుమార్తె వారి బంధువుల దగ్గర ఉంటూ చదువుకుంటున్నది. చట్టాన్ని చేతుల్లోకి తీసుకోకూడదని తన భార్య,  తాను మొదట నిర్ణయించుకున్నట్లు వీడియోలో చెప్పాడు. "నేను నా భార్య పోలీస్ స్టేషన్‌కు వెళ్లి ఫిర్యాదు చేసింది. పోలీసులు వేధింపులకు పాల్పడిన వ్యక్తిని, నా భార్య సోదరిని పిలిపించారు. చర్య తీసుకోకుండా కేవలం వారిని మందలించి పంపించారు.  నా భార్య మరోసారి పోలీస్ స్టేషన్‌కు వెళ్లి అతని కుటుంబంపై ఫిర్యాదు చేసినా, పోలీసులు స్పందించలేదు. బదులుగా నా భార్యపై కేసు పెడతామని బెదిరించారు" అని కువైట్ వాసి చెప్పాడు.

వాస్తవానికి నిందితులపై న్యాయపోరాటం చేయాలనుకున్నామని, అయితే పోలీసులు పక్షపాతంతో వ్యవహరించడంతో చట్టాన్ని చేతుల్లోకి తీసుకోవాల్సి వచ్చిందన్నారు. వీడియోలో లొంగిపోయేందుకు సుముఖత వ్యక్తం చేశాడు. అయితే, పోలీసులు ఈ ఆరోపణను తోసిపుచ్చారు.  బాలిక తల్లి ఎటువంటి ఫిర్యాదు చేయలేదని, నిందితుడు వీడియోను విడుదల చేయడం ద్వారా ప్రజలను తప్పుదోవ పట్టించడానికి ప్రయత్నిస్తున్నారని పేర్కొన్నారు.