మస్కట్‌: ప్రస్తుతం జరుగుతున్న సుహార్‌ ఫెస్టివల్‌లో రైడ్‌లో ఒక భాగం కుప్పకూలింది. ఈ దుర్ఘటనలో ఒకరు తీవ్రంగా గాయపడ్డారు. గాయపడిన వ్యక్తిని వెంటనే ఆసుపత్రికి తరలించినట్టు, అతని పరిస్థితి నిలకడగా ఉందని అధికారులు తెలిపారు. కాగా, జరిగిన సంఘటనకు సంబంధించి ఉత్సవ నిర్వాహక కమిటీ క్షమాపణలు చెప్పింది. భద్రతా ప్రోటోకాల్స్‌లో వైఫల్యం దీనికి కారణమని పేర్కొంది. ప్రస్తుతం సంబంధిత అధికారులతో విచారణ జరుగుతోందని, అవసరమైన చట్టపరమైన చర్యలు తీసుకుంటామన్నారు.