యూఏఈ: జనవరి 1న యూఏఈలోని ప్రభుత్వ ఉద్యోగులకు పబ్లిక్ హాలిడే గా ఫెడరల్ అథారిటీ ఫర్ గవర్నమెంట్ హ్యూమన్ రిసోర్సెస్ ప్రకటించింది. రాబోయే సంవత్సరంలో దేశంలో ఇదే మొదటి ప్రభుత్వ సెలవుదినం కానుంది.

2025లో 13 రోజుల వరకు ప్రభుత్వ సెలవు దినాలు రానున్నాయి. ఈద్ అల్ ఫితర్ సందర్భంగా నివాసితులు నాలుగు రోజుల వరకు సెలవులు పొందుతారు. ఈ సంవత్సరం సెలవుదినం కొద్దిగా భిన్నంగా ఉంటుంది.  రంజాన్ 30 రోజులు కొనసాగితే, ఇస్లామిక్ నెలలోని 30వ తేదీ కూడా సెలవుదినంగా ఉంటుంది. నివాసితులకు నాలుగు రోజులు సెలవు (రమదాన్ 30 నుండి షవ్వాల్ 3 వరకు) ఇవ్వబడుతుంది. పవిత్ర మాసం 29 రోజులు ఉంటే, సెలవుదినం ఈద్ (షవ్వాల్ 1 నుండి 3 వరకు) మొదటి మూడు రోజులు మాత్రమే ఉంటుంది. 2024లో ఈద్ అల్ ఫితర్ సెలవుదినం రంజాన్ 29 నుండి షవ్వాల్ 3 వరకు ఉంది. వారాంతాలతో సహా ఇది ఈ సంవత్సరం నివాసితులకు తొమ్మిది రోజుల విరామంగా వచ్చింది.

ఇస్లాంలో అత్యంత పవిత్రమైన రోజుగా పరిగణించబడే అరఫా డే సెలవుదినం.. ఇది దుల్ హిజ్జా 9న ఉంటుంది. దీని తర్వాత ఇస్లామిక్ పండుగ ఈద్ అల్ అదా (దుల్ హిజ్జా 10-12)కి మూడు రోజులపాటు సెలవులు ఉంటాయి. వీకెండ్ తో కలిపి మొత్తం 4 రోజులపాటు సెలవులు రానున్నాయి .