దుబాయ్: దూబాయ్ లో నైట్‌క్లబ్ బిల్లింగ్ స్కామ్ ఆందోళన కలిగిస్తుంది. టూరిస్టులే టార్గెట్ గా మోసాలకు తెగబడుతున్నారు. కెనడియన్ టూరిస్ట్ SY ఐదు రోజులలో ఐదు సార్లు నైట్‌క్లబ్ బిల్లింగ్ స్కామ్‌కి గురయ్యాడు. ఇతరులను హెచ్చరించడానికి తనకు జరిగిన మోసాన్ని వివరించాడు. దాంతో అతను Dh7,000ని తిరిగి పొందడంతోపాటు మరొక బాధితుడు Dh4,000ని తిరిగి పొందడంలో సహాయం చేసినట్టయింది. స్కామ్‌లో మహిళలు టిండర్, బంబుల్ వంటి డేటింగ్ యాప్‌లలో నకిలీ ప్రొఫైల్‌లను ఉపయోగించి దుబాయ్‌లోని ఉన్నత స్థాయి నైట్‌క్లబ్‌లకు పురుషులను ఆకర్షించారు. అక్కడికి చేరుకున్న తర్వాత, మహిళలు ఖరీదైన పానీయాలను ఆర్డర్ చేస్తారు. బిల్లు కట్టమని చెప్పి వారు అక్కడి నుండి మాయమవుతారు. బాధితులు Dh3,000 నుండి Dh11,000 వరకు బిల్లులు కట్టించి మోసానికి పాల్పడతారు.    

SY కష్టాలు డిసెంబర్ 3న ప్రారంభమయ్యాయి. బెజాన్ అనే మహిళ అతన్ని బిజినెస్ బేలోని నైట్‌క్లబ్‌కు ఆహ్వానించింది. "నేను నీరు, ఆరెంజ్ జ్యూస్‌ తాగే సమయంలో.. ఆమె అనేక పానీయాలను ఆర్డర్ చేసింది. బిల్లు వచ్చినప్పుడు, అది మొత్తం Dh7,000 కంటే ఎక్కువ" అని SY గుర్తుచేసుకున్నారు. "అది చాలా ఖరీదు అవుతుందని తనకు తెలియదని చెప్పి ఆమె షాక్‌గా నటించింది. నేను ఆమెను నమ్మి డబ్బు చెల్లించాను.

డిసెంబర్ 4న, SY జాస్మిన్ అనే మరో మహిళతో డేటింగ్‌కు వెళ్లాడు.ఆమె ఎమిరేట్స్ ఫైనాన్షియల్ టవర్స్‌లోని బార్‌లో కలవాలని సూచించింది. SY ఆర్డర్‌లను ఒక్కొక్క డ్రింక్‌కి పరిమితం చేసింది. అయితే బిల్లు ఇప్పటికీ Dh650కి చేరుకుంది. "నా జ్యూస్ 70కి మించి చెల్లించడానికి నేను నిరాకరించాను. జాస్మిన్ గొడవకు దిగింది. " అని అతను చెప్పాడు.

డిసెంబర్ 6న బెజాన్ మోసాలను బయటపెట్టేందుకు మరో బార్‌లో కలవాలని పట్టుబట్టడంతో ఆమె నిరాకరించిందని  SY తెలిపాడు. "ఆమె మళ్లీ డ్రింక్స్ ఆర్డర్ చేస్తూనే ఉంది. కాబట్టి నేను తెలివిగా బిల్లు గురించి అడిగాను. ఇది ఇప్పటికే Dh3,000 ఉంది." SY చెప్పారు. వాళ్ల మోసాలను ఎత్తిచూపడంతో యాజమాన్యం దిగొచ్చి, తాను తాగిని నీటికి 35 దిర్హామ్‌లు మాత్రమే వసూలు చేసింది. "ఆమె క్లబ్‌తో కలిసి పనిచేస్తున్నట్లు స్పష్టంగా ఉంది. ఆమె వాటాను చెల్లించలేదు." అన్నారాయన. ఆ రోజు తర్వాత SY బిజినెస్ బే నైట్‌క్లబ్ మేనేజర్‌ని సంప్రదించాడు. జరిగిన మోసాన్ని నిలదీయడంతో Dh2,500 రీఫండ్ వచ్చింది. డిసెంబర్ 13న, అతనికి మరో 4,400 దిర్హామ్‌లను తిరిగి ఇచ్చారు. "కస్టమర్‌లను దోపిడీ చేయడానికి మహిళలు ఈ బార్‌లతో చేతులు కలిపి పని చేస్తారని స్పష్టంగా తెలుస్తుంది" అని SY చెప్పారు. "వారు మిమ్మల్ని భయపెట్టడానికి ప్రయత్నిస్తారు. మీరు చెల్లించకపోతే మీరు ఇబ్బందుల్లో పడతారని మీకు అనిపిస్తుంది. కానీ అది నిజం కాదు. మీరు చేయని ఆర్డర్‌లకు చెల్లింపును తిరస్కరించే హక్కు మీకు ఉంది." అని తెలిపాడు. రెడ్డిట్‌లో తన అనుభవాన్ని చదివిన తర్వాత మరొక బాధితుడు Dh4,000ని తిరిగి పొందడంలో SY సహాయం చేశాడు. స్కామ్ గురించి బయటకు రావడంతో ఎక్కువ మంది బాధితులు ముందుకు వచ్చారు. ఒక వ్యక్తి 5,000 దిర్హామ్‌ల నుండి స్కామ్‌కు గురైనట్లు నివేదించగా, మరొకరు తన Dh5,000 బిల్లును Dh800కి తగ్గించారు. Reddit వంటి ఆన్‌లైన్ ఫోరమ్‌లు ప్రజలు తమను నైట్‌క్లబ్‌లలోకి ఎలా ఆకర్షించారో..విపరీతమైన బిల్లులతో ఎలా మోసం చేశారో వివరించే కథనాలతో నిండి పోతున్నాయి.

 "ఈ మహిళలు స్పష్టంగా క్లబ్‌లతో ఒప్పందం చేసుకున్నట్లు కనిపిస్తుంది.బహుశా కమీషన్ పొందుతున్నారు. ఈ తరహా మోసాలు యూరప్,  ఆసియాలో కనిపించాయి. ఇప్పుడు దుబాయ్‌లో కనిపిస్తుంది." అని ఒక హాస్పిటాలిటీ ప్రొఫెషనల్ అభిప్రాయపడ్డారు.