చౌకధరల విమానయాన సంస్థ ఎయిర్‌ఏషియా ప్రత్యేక డిస్కౌంట్ ఆఫర్‌ను ప్రకటించింది. ఫ్లై లైక్ ఏ సూపర్‌స్టార్ పేరుతో ప్రకటించిన ఈ ఆఫర్ కింద దేశీయంగా ప్రారంభ టికెట్ ధరను అన్ని పన్నులు కలుపుకొని రూ.786గా నిర్ణయించింది. ఈ ఆఫర్ జూలై 3 వరకు అందుబాటులో ఉండనున్నది. ఈ ఆఫర్ కింద బుకింగ్ చేసుకున్న ప్రయాణికులు ఫిబ్రవరి 1 నుంచి ఏప్రిల్ 30, 2017లోగా ప్రయాణం చేయాల్సి ఉంటుంది. తమిళ సూపర్‌స్టార్ నటుడు రజినీకాంత్ నటించిన కబాలి సినిమాకోసం సంస్థ రూ.2,999తో ప్రత్యేక ఆఫర్‌ను ప్రకటించిన విషయం తెలిసిందే. దీంతోపాటు అంతర్జాతీయ టికెట్లపై కూడా డిస్కౌంట్ ఆఫర్‌ను కల్పించింది. మారిషస్, క్రాబి, లంబోక్, హో చీ మించ్ నగరాలకు టికెట్ ధరను రూ.2,999గా నిర్ణయించింది.